Kazu Pozitivu Covid-19, Ohin Rekopera Nain-3 Aumenta 19, Baixa 154
Naunil Media (Díli), Portavoz Kordenador Forsa-Tarefa ba Prevensaun no Mitigasaun Surtu Covid-19 Dr Rui Maria de Araújo informa, Kazu covid-19 komfirmadu rejistan tan foun hamutuk 19, iha munisípiu Díli no rekupara ema nain-tolu (3) baixa hela hamutuk 154.
Kordenadór Forsa-Tarefa ba Prevensaun no Mitigasaun Surtu Covid-19 Dr Rui Maria de Araújo ba jornalista sira liuhusi zoom, sábadu (20/03).
“Dadus jeral ohin nian, kazu foun nain 19, kazu rekuperadu nain-3, kazu ativu 154. Kazu nain 19 ohin, iha mane nain 6, feto nain 13, ema ho idade tinan 13: 1, ema ho idade entre tinan 16-79: 18, ema sintomátiku: 3, ema asintomátiku: 16 no husi horiseik mai ohin hamutuk hotu halo 628 testes PCR, dehan Rui.
Rui hatutan, surtu covid-19 iha munisípiu Díli iha kazu foun 19, ho detallu hanesan kazu pozitivu 3, kontaktu-besik ho kazu konfirmadu iha BTN III, Aldeia Terra Santa, Suku Madohi, Postu Administrativu Dom Aleixo, Kazu pozitivu 1, kontaktu-besik ho kazu iha cluster Aldeia Maucocomate, Suco Becora, Posto Administrativo Cristo Rei.
Kazu pozitivu 2, kontaktu-besik ho kazu konfirmadu ida iha cluster HNGV, hela iha Aldeia Berbidu, Suku Becora, Posto Administrativu Kristu Rei, kazu pozitivu 1, hela iha Aldeia Bidau Tokobaru 2, Suku Kulu-hun, Postu Administrativu Cristo Rei. Pozitivu ida nee kontaktu-besik ho kazu iha cluster Aldeia Lirio, Suku Motael, Posto Administrativo Vera Kruz.
Iha Kazu pozitivu 10, hela iha Aldeia 20 de Setembru, Suku Bebonuk, Postu Administrativu Dom Aleixo. Pozitivu hirak nee kontaktu-besik ho kazu iha cluster hanesan, kazu pozitivu 1, hela iha Aldeia Grilos, Suku Gricenfor, Postu Administrativu Nain Feto. Pozitivu ida nee kontaktu-besik ho kazu husi cluster balun iha Komoro no kazu pozitivu 1, hela iha Aldeia Gideon, Suku Vila-Verde, Postu Administrativu Vera-Kruz. Pozitivu ida nee kontaktu-besik ho kazu husi cluster Hospital Nasionál Guidu Valadares (HNGV).
“Ho nunee, kazu detetadu ka pozitivu iha Munisipiu Dili husi dia 7 de Marsu 2021, too ohin, 20 de Marsu de 2021, hamutuk hotu 136. Ho baze ba informasaun neebé ekipa konjunta saúde nian rekolle, foku/cluster kazu pozitivu iha Díli”, nia hatoo
Nia dehan, hetan revizaun hanesan tuir mai kazu detetadu 136 iha Díli nee, fahe ba cluster 34, namkari iha instituisaun 4, eventu 1 no Suku 10, fatin kuarentena 1, iha Postu Administrativu D. Aleixo, Vera Cruz, Nain Feto no Kristu Rei. Husi cluster 34 neebé iha, liu 50% maka la ativu ka, sira nia kazu la aumenta iha semana ida ikus, hanesan pur ezemplu cluster MTC, SEFOPE, Ministériu Finansas ho tan sira seluk. Vit
