FEATUREDFoodIkus LiuNegosiuNews

Movimentu Asukai Lorosa’e Distribui Nesesidade Bázika Ba Estudante kost Nain-80

Fahe Tutan

Naunil Media (Díli), Movimentu Asukai Lorosae (MAL), ho insiativa rasik distribui nesesidade bázika ba estudante “Kost” husi Uatulari Munisipiu Viqueque ne’ebé hela iha Dili hamutuk Nain-80.

Prezidente MAL Justino Sopalo Ximenes, hateten inisitiva refere hanesan asaun solidadedade ba estudante sira mak durante ne’e terus hamlaha iha kost, relasiona ho serka sanitaria ne’ebé implementa durante semana rua iha Dili.

“Inisiativa ida ne’e, inisia husi membru Movimentu Asukai Lorosae (MAL), Ami halo iha situsaun ida ne’e, hodi hare ita nia-alin sira husi Viqueque, liu-liu husi Uatulari, balun mensajen ba ami halerik liu ba ai-hahan. Tanba ne’e, mak ami foti inisiativa fó apoia ba estudante sira tuir kbiit ne’ebé mak ami iha”, dehan nia ba jornalista sira, hafoin abertura ofisial ba distribui nesesidade bázika ba estudante Uatulari oan sira, iha Kintal Boot, sábadu (20/03).

Prezidente ne’e deklara, movimentu refere kompostu husi veteranus, estudante, funsionáriu no joventude, sira.

“Ami-nia asaun nee sei latoo iha nee, ami sei halo tan asaun ba etapa segundu depois sei identifika postu no munisípiu sira seluk, ne’ebé mak ami presija halo kontribuisaun ba”, nia deklara

Nia deklara Movimentu Asukai Loronsae kompostu mai husi Timoroan hotu ne’ebé mak involve iha laran. Tanba ne’e sira iha planu hodi kontinua implementa programa refere.

Iha fatin hanesan xefe suku Santa Kruz Marciano Juvinal hakutir, apoia karidade neebé husi Movimentu Asukai Lorosae nian nee refleta duni ba sitasuan atuál liu-liu ba estudante sira ne’ebé mak hela iha kost.

Tuir observasaun Naunil Media iha fatin dustribuisaun nesesidade bázika ne’e. sira hotu kumpri regra prevensaun covid-19. nomos hetan partisipasaun husi Autoridade lokal suku refere.

Nesesidade bazika ne’ebé movimemtu ne’e oferese mak hanesan foos, supermi, rinso inklui nesesidade sira seluk. Ipi/vit

Leave a Reply

Your email address will not be published. Required fields are marked *