Loke Aeroportu Estranjeiru Tama TL Akademista, Konsidera Governu Vióla SS
Naunil Media (Díli), Akademista Camilo Ximenes Almedia husi Fakuldade Siénsias Sosiais (FCS) Universidade Nasionál Timor Lorosa’e (UNTL), konsidera Governu Timor-Leste viola implementasaun serka sanitria (SS).Tanba autoriza sidadaun estranjeiru tama mai Timor-Leste.
“Tuir ha’u-nia hanoin iha nasaun ne’ebé de’it bainhira halo serka sanitária la fó fatin ba nia sidadaun sira satan ema husi rai liur atu tama fali ba nia nasaun refere. Maibé iha Timor-Leste oin seluk la fó autorizasaun ba nia povo atu halo atividades hanesan bain bain, maibé fó fali ema no aviaun husi rai liur atu tama, ida ne’e mak povo kuase lakon konfiansa” İnforma Dekanu FCS-UNTL Camilo Ximenes Almeida ba jornalista Naunil Media via Whatsapp, domingu (21/03).
Tuir akademista ne’e, regulamentu lolos bainhira iha nasaun ida implementa ona serka sanitaria kualker sidadaun husi rai liur inklúi rai laran labele halo movimentu Tama sai.
“Governu nia-preparasaun atu halo atendimentu la preparadu, Tanba hahan ba nia sidadaun sira kuase láiha no estudante barak mak atu mate tanba laos Covid maibé tanba hamlaha”, nia Lamenta.
Iha biban ne’e akademista ne’e husu ba Ukun nain sira atu halo preparsaun ho di’ak, hodi fo atendimentu ba sidadaun husi rai laran.Nune iha implementasaun serka sanitaria presiza hapara mos movimentu estaranjeirus.
Kona-ba kestaun ne’e Iha Loron 15/03/2021, aviaun Euro Atlantic tula timoroan inklui profesor estranjeirus hamutuk 164. Nune iha loron 21/03/21 Airasia ho marka 9M-AGH husi nasaun Malázia tula xinez na’in-154 Mai Timor-Leste maske dadaun ne’e implementa hela serka sanitária. Lop
