Akademista Konsidera ‘Governu Lahanoin, Banhira Hare’e Nia-Povu Terus, no lakon-serbisu’
Naunil Media (Díli), Relasíona ho impase politika rai-laran hahu kedan iha tinan 2017, to’o Mai agora hamosu tan Covid-19 maioria Populasaun barak Moris iha Terus no hamlaha. Inklui balun lakon serbisu nomos nain ba empreza disidi taka kompañia hodi hapara sira nia-traballdor.
situasaun hirak ne’e akontese aumenta ho prezensa Covid-19 kontinua hanaruk no haterus povu ne’e nia sofrimentu kontinua naruk ba beibeik.
Hateke ba pasadu liga ba futuru buat hotu-hotu nain mak ulun boot sira. Maibe, to agora seidauk hakotu terus hirak ne’e.
Nune tuir Akademista Camilo Ximenes Almedia husi Fakuldade Siénsias Sosiais (FCS) Universidade Nasionál Timor Lorosa’e (UNTL), konsidera nai Ulun sira iha Timor-Leste kontente bainhira hare nia povu Terus no lakon sira nia serbisu.
“Dadaun iha serka sanitária situasaun pior liu-tan ona. Povu aileba sira, taxista, motorista sira, barak lakon serbisu. Bainhira ita hasoru sira koalia mai, ita nu’udar umanu ita atu tanis de’it. maibé ita nia governante no membru parlamentu sira kontenti ho povu nia halerik” deklara Dekanu FCS-UNTL Camilo Ximenes Almeida ba jornalista Naunil Media via Whatsapp, domingu (21/03).
Nia deklara kona-ba povu nia-prekupasaun hirak ne’e dalan di’ak liu mak lao tuir Deklarasaun husi Deputadu PD Mariano Asanami kona-ba fo subsidiu ho montante osan direita ba povu sira,atu nune sira bele halo gastu tuir sira nia nesesidade.
“Ha’u hanoin saída mak deputadu Assanami koalia ne’e loos tanba saida.? se uluk kedas dehan ema ida iha família laran hetan osan dollar Lima nulu ($50) karik oras ne’e selu hotu ona. Maibé ita hola ba sesta bazíka mak to’o agora populasaun barak kuase seidauk simu no pior liu produtu lokal iha territóriu Timor laran hotu ona, iha parte seluk governu fó fali lukru ba empresáriu sira di’ak liu balun seidauk simu fó osan de’it”
Akademista ne’e reforsa, Kona-ba planu governu nian hodi distribui sesta bazika ba populasaun sira. Maibe planu refere fo lukru ba empresariu sira. Nune to agora populasaun balun seidauk simu nesesidade hirak ne’ebé distribui husi kompañia sira.
Antes ne’e bankada Partidu Demokrátika (PD) Deputadu Mariano Assanami Sabino, iha plenaria Parlamentu Nasional, Segunda deklara katak “Dalan diak liu mak Governu tenke fó osan direitamente ba iha komunidade, nune’e bele uza sosa tuir sira nia hakara, duke fó xesta bazika ba sira,”
Maske dadaun ne’e sidauk iha dadus konkretu ruma kona-ba populasaun hira mak lakon serbisu, no hira mak seidauk simu subsidiu, maibe situasaun real akontese. Lop
