Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo relata, informasaun atuál ba   kazu Covid-19 rejistan pozitivun foun ema na’in-9, rekupera ema na’in-4 no baixa ativu 211.

Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo ba jornalista sira liuhusi zoom meeting, segunda (22/03).

“Dadus jerál ba ohin nian, Kazu foun rejista ema na’i-9, kazu rekuperadu na’in-4 no kazu ativu 211. Kazu nain 9 ohin, iha mane nain 2, feto nain 7, ema ho idade tinan 8-11: 2, ema ho idade entre tinan 19-42: 7, ema sintomátiku  1, ema asintomátiku 8, husi horiseik mai ohin hamutuk hotu halo 656 testes PCR.  Husi loron  19 marsu  to’o ohin 22 marsu, teste PCR ba ema atu hetan autorizasaun  esepsionál atu sai husi serka sanitária husi Munisípiu Díli hamutuk 420”, dehan Dr. Rui

Rui hatutan, kazu Covid-19 husi  munisípiu Díli ohin rejistu foun  hamutuk na’in- 4, totál kazu pozitivu husi loron 7  Marsu   to’o  21 Marsu  2021, hamutuk hotu 183.

“Kazu detetadu 183 iha Díli ne’e, fahe ba cluster 35, namkari iha instituisaun 4, eventu 1  Suku 10, fatin kuarentena 1, iha Postu Administrativu Dom Aleixo, Vera Cruz, Nain Feto no Kristu Rei. Husi cluster 34 ne’e, iha cluster 14 maka liu ona semana 1 la iha kazu foun”, nia realsa.

Nune’e mós nia hato’o, kazu  Covid-19 husi munisípiu Baucau, ohin la iha kazu foun. Munisípiu  viquque, ohin iha kazu foun 4 totál  kazu konfirmadu na’in-8. Kazu foun hirak ne’e, hela iha Aldeia Mamaluk (Beloi), Suku Karaubalu, Viqueque. Kazu konfirmadu hirak ne’e kontaktu-besik ho profisionál saúde ne’ebé halo kursu pós-laboral iha UNTL fila husi Díli ba Viqueque iha dia 8  Marsu.

“Surtu Covid-19 iha Munisipiu Lautém, ohin deteta kazu foun 1. Kazu ida ne’e halo viajen husi Díli ba Lautém iha 18  Marsu 2021. Kazu pozitivu ne’e estudante UNITAL, iha Lautém hela iha Aldeia Reisoru, Suku Home, Lospalos Vila. Iha Díli hela iha Aldeia Bedois, Suku Camea”. Tenik Rui.

Ikus Kordenador ne’e Apela.   populasaun Timor-Leste tomak, liu-liu iha munisípiu Dili, Baucau, Viqueque ho Lautém, atu nafatin hakmatek iha uma-laran. Favor lalika buka halibur malu.

Bainhira sai husi uma, labele haluha proteje-an nafatin ho meius hanesan  uza maskara,  fase liman beibeik ho sabaun ka dezinfetante ruma, evita kose liman ba matan, inus ho ibun,   wainhira kumprimenta malu, lapresiza ka’er liman, bensa-liman, rei-malu ka haku’ak malu, evita halibur malu barak,  hamri’ik ka tur do’ok husi ema seluk, mínimu metru ida ho balun.Vit

 

teomֲ�� q