Komunidade ILiomar Ajuda Nesesidade Bazíka Ba Iliomar-Oan Nain 100
Naunil Media (Díli), komunidade Benjamin Saimesak husi munisipiu Lautem ho inisiativa rasik distribui ona nesesidade bazika ba Iliomar oan nain atus ida (100) ne’ebé durante serka sanitaria hela iha kost Dili.
“Estudente Ilomar 100 mak hetan ona nesesidade bazíka durante Serka Sanitária (SS) inisiativa ne’e da-uluk mai husi ha’u rasik. Hodi apoia ba estudante Iliomar oan sira, tanba ami iha grupu watsaap, no ideia ne’e ha’u hato’o husi ne’eba, distribuisaun ne’e mai husi komunidade Iliomar-oan sira razaun ami fó atendementu imediatu ba Iliomar oan, tanba ami tenke atende uluk ami nia uma-laran”, İnforma Benjamin ba jornalista Naunil Media iha Pantai-Kelapa 21/03/21.
Benjamin hateten, apoia ne’e depende ba stok no tuir duni nesesidade ne’ebé mak iha atu apoia ba estudante İliomar oan sira, ne’ebé presiza hetan tulun.
” Distribui ba ita-nia alin Ilomar oan sira ne’e sasan baziku ne’ebé mak apoian sira atu bele augenta sira nia moris durante serka sanitaria, tipu sasan mak hanesan foos, mina, no supermi” dehan nia.
Komunidade ne’e subliña solidariedade ne’e laos akontese agora ba İliomar-oan sira maibé asaun espiritu ho voluntarismu sakrifika no hanesan karakter ida ne’ebé belit metin tiha ona iha komunidade İlomar sira nia isin”, haktuir nia.
Distribuisaun nesesidade bazika ne’e akompaña husi komunidade Iliimar-oan sira ne’e kria inisiativa ne’e inklúi Tenente Jeneral F-FDTl Lere Anan Timur. Jjf
