Estoke Ai-moruk Hela 30% Iha Armazén SAMES
Naunil Media (Dili), Diretór Ezekutivu Servisu Autónomu Mediku no Saúde (SAMES) Santana Martins informa, estoke ai-moruk hela pursentu 30% iha armazén SAMES, Kampun Alor Díli.
Diretór Ezekutivu Servisu Autónomu Mediku no Saúde (SAMES) Santana Martins ba jornalista sira, aero portu Incolau Lobato, Komoro, tersa (23/03).
Tuir Santana iha estoke ne’ebé iha tinan 2020, maibé nota katak atividade movimentasaun makas dala ruma kuantidade ne’ebé mak iha la sufisiénte. Prosesu aprovizionamentu kontinua la’o hela, difikuldade ida mak oinsa lori mai Timor-Leste.
“Agora dadaun estoke nasionál ne’ebé mak ita iha ai-moruk % 30 iha armazén, prosesu aprovisonamentu tinan ne’e ami hahú lalais tanba orsamentu jerál estadu (OJE) aprova sedu. Espera katak fulan ida ka rua ne’e bele kobere ona redus ninia estoke menus, tuir indikadór nasionál husi % 20”, dehan Santana.
“Ami sei esforsu atu asegura ho situasaun ida. La iha movimentu bele provoka moras barak, ami koko oinsa ai-moruk ne’e tama iha tempu besik”, Santana realsa.
Nia dehan, estoke bele ba pursentu 0 %, maibé tenke haree ho situasaun balun la permite atu lori ai-moruk mai TL, prosesu aprovizonamentu ne’e la’o hela. Kompaña sira atu lori ai-moruk mai ho dokumentu tenderizasaun.
“Ami rekonese %30 ne’e bele fo inpaktu ba atendimentu pasiente sira iha fasilidade ita haree 452 ITMS iha ita-nia armazén ne’e tuir lista nasional, exatamente so ha’u bele alista dadus lolos ba públiku”. nia realsa.
Nia haktuir, Komprimisu husi kompaña nian dala ruma sira husu fulan rua, fulan tolu to’o, maibé sira buka transporte hanesan Ro ne’e mak atraza sai difikuldade. Projetu ne’e depende ba kontratu kompaña ida ne’ebé mak manán, balun husi Portugal, Holanda, Dinamarka, India, Xina, Banglades, Indonézia no Australia. Ipe/Pau