Faan Sasan Lafolin Negosiante, Helena koalia, Ho Matan-Been’

Naunil Media (Díli), Vendedór Faan produtu lokál iha merkadu Taibesi Helena Pereira Freitas, ho Matan been, deklara durante implementasaun serka sanitária kuaze sira nia produtu la folin iha merkdu. Hodi kauza ba sira nia-ekonomia familía uma laran nian.

Hafoin atu dada-lia, inan feton ne’e ho oin hamnasa. liu tiha ne’e, bainhira jornalista husu inan ne’e komesa senti laran-moras, hodi deklara ho matan been, kona-ba susar no terus ne’ebé durante ne’e sira hasoru.

“Ami nu’udar Inan hanesan mós fila-liman terus liu ona iha merkadu laran. (matan been monu). Ami nia moris depende ba produtu ne’ebé mai husi Munisípiu, maibé agora governu taka dalan, hanesan mós governu duku Ami nia bikan. Agora governu taka tiha dalan ami nia moris atu ba los ne’ebé.? Oan barak. Di’ak liu governu oho tia ami maka taka dalan duke halo terus, Ami” deklara inan feton ne’e ho matan been nakonu hodi habokon nia hasan, iha Merkadu Taibesi, tersa (23/03).

Hafoin hamaran Matan been ne’ebé habokon inan nia hasan, nia deklara, “kompara ho antes dalan sedauk taka, loron ida Ami han dala tolu (3), tanba rendementu kada loron hetan dolar $30 ba leten, no agora ami tenke han dala ida (1) tanba iha situasaun Serka Sanitária nia-laran osan loron ida tama mak $ kiik liu dolar ida 1, boot liu mak dolar tolu de’it’, deklara vendedor ne’e.

Hafoin matan been nia prezensa lakon, Inan ne’e deklara durante semana rua ona nia faan tutan de’it nia maluk sira nia sasan. Nune’e hodi sustenta netik sira nia moris. iha tempu Serka Sanitária to remata.

“Ami nia-difikuldade mak sasan la tama tanba dalan taka, no oras ne’e ami fan tutan fali kolega seluk nian hodi augenta netik ami nia moris, ami fan hodi sustenta oan sira nia kabun maibé agora amisusar tebes”, nia deklara ho triste.
Nia mos lamenta hodi konsidera governu atual laiha responsabilidade hodi haterus sira.

“Babain faan mak ai-fuan sira hanesan tomante, aimanas, ainanas, ai-dila no aifuan sira ne’e ba foti iha Baucau venilale mak lori mai fan, maibé agora dalan taka entaun aifuan sira ne’e dodok de’it ona, tanba governu taka dalan, tanbá ne’e agora nesesidade obriga sira loron ida tenke han dala ida” nia lamenta.

Vendedor Helena Pereira Freitas kaben nain, o Husi munispiu Baucau dadaun ne’e halo vida negosiu iha merkadu Taibesi.Nia mos deklara dadaun ne’e iha oan nain haat mak hela iha Foho

Hare ba Realidade hirak ne’e, tuir observasaun jornalista iha terenu notak katak maioria produtu lokal iha Merkadu Taibesi hahú menus nomos balun dodok no namlele.JJF