Governu Nova Zelandia Apoia Ekipamentu COVID-19 Ba Timor-Leste
Naunil Media (Díli), Governu Nova Zelandia apoia ekipamentu Covid-19 ba Governu Timor-Leste (TL) to’o ona hodi responde ba situasaun covid-19, ekipamentu ne’e transporta husi aviaun Royal New Zealand Air Force 02 ho tipu NZ7002.
Embaixadór Nova Zelandia iha Timor- Leste Philip Hewit ba jornalista sira, iha aero portu internasionál Nicolau Lobato, Komoro, tersa (23/03).
“Ha’u sente orgullu parseru ho governu Timor-Leste hodi responde ba covid-19. Ohin Ministra Negosiu Etranjeirus no Koperasaun (MNEK) ho governnu Nova Zelandia anúnsia ba nasaun hodi apoiu governu Timor-Leste prevene covid-19”, Dehan Philip.
Philip hatutan, Nova Zelandia atu responde ba covid-19 iha Timor-Leste, Nova Zelandia parseru dezenvolvimentu sempre kontinua fó apoiu ba Timor-Leste.
Iha fatin hanesan Ministra Negosiu Estranjéru no Kooperasaun (MNEK) Adalgiza Magno haktuir, simu duasaun husi governu Nova Zelandia ne’ebé oportunu tebes iha situasaun komplikadu tanba iha transmisaun lokál covid-19 ona.
“Ita tenki agradese ba governu Nova Zelandia ne’ebé mak prontu atu apoia Timor-Leste iha tempu saida de’it. Liu-liu iha tenpu susar nian laran sira apoiu ita, la’os de’it iha tenpu agora maibé uluk kedas iha tenpu resisténsia transzisaun nian”, dehan ministra Adalgiza.
“Apoia husi Nova Zelandia ne’ebé mak ita simu mak hanesan maskara 52.000, Hand sanitazer 500ml bottl 500, swab kits 550, shoe cover 9.00, ai-moruk covid-19, ropa ba protesaun”. tenik Adalgiza.
Simu ekipamentu ne’e husi Ministra Negosiu Estranjeiru no Koperasaun (MNEK) Adalgiza Magno no Embaixadór Nova Zelandia Ba Timor- Leste Philip Hewit.Ipe/Pau
