Xefi Suku Camea Husu Governu Implementa Tan Subsidiu Ba Uma-Kain
Naunil Media (Dili), Relasíona ho Serka Sanitária ne’ebé dadaun ne’e sei ativa hela xefi suku husi Camea Postu administrativu Cristo Rei munisipiu Dili, Matos da Costa, husu ba governu atual atu implementa taan subsidiu ba kada uma kain, atu nune bele asegura povu sira husi hamlaha.
‘‘Husu ba guvernu di’ak liu, implementa fali programa ida uluk governu halo hodi fo dólar atus rua ($ 200), ba kada uma kain, hodi bele auguenta lai sira nia moris iha situasaun ida agora ne’e’’ autoridade lokal, deklara asuntu ne’e iha nia knaar fatin sede suku Camea, kinta, (25/03/20121) .
Autoridade lokál ne’e hatutan, iha situasaun ida agora governu tenki distribui duni nesesidade ba komunidade sira.Tanba durante ne’e maiora komunidade mak hela de’it iha uma, hodi la halo atividade agrikultur nomos negosiu.
“Ha’u hanoin durante serka Sanitária ne’e komunidade la sai husi uma entaun sira infrenta duni problema kona-ba ekonomia bázika tanba komunidade Camea ne’e barak moris ho vida Agrikultura balun ho negósiu kiik oan sira ne’e mas guvernu dekreta ona ita kumpri guvernu nia orden mas problema ne’ebé komunidade hasoru mak ekonomia bázika hanesan hahán”, nia deklara.
Iha biban ne’e autoridade ne’e husu ba governu atu minimiza movimentu ema estranjeiru labele tama mai Timor Leste.
Tuir dekretu governun nú.12/2021, disidi serka sanitaria hahu iha loron haat fulan marsu nune sei termina iha loron rua fulan Abril tinan 2021. *jos
