FEATUREDIkus LiuNewsSaude

Covid-19: Kazu Foun 58, Rekupera Na’in-17 no Baixa Ativu 298

Fahe Tutan
Foto Google

Naunil Media (Díli), Portavoz Kordenadór Forsa-Tarefa ba Mitigasaun Surtu Covid-19, Rui Maria de Araújo, informa  ekipa Sala Situasaun Sentru-Integraddu Jestaun Kreize (SS-CIGC- sigla Portugés)   Covid-19 kazu pozitivu foun ne’ebé rejista na’in-58, rekupera na’in-17, ativu baixa hamutuk 298.

Portavoz Kordenadór Forsa-Tarefa Ba Mitigasaun Surtu Covid-19 Dr. Rui Maria de Araújo ba jornalista sira liuhusi zoom Meeting, sexta (26/03).

“Dadus jeral, Kazu foun ohin totál kazu komfirmadu  58, kazu rekuperadu 17, totál kazu ativu 298. Husi kazu foun nain 58 ohin, iha mane nain 27, feto nain 31. Ema sintomátiku 6 no Ema asintomátiku 52.  Husi horiseik mai ohin hamutuk hotu LNS halo 886 testes PCR”, Dehan Dr. Rui.

Dr. Rui haktuir, husi horiseik mai ohin, teste PCR ba ema atu hetan autorizasaun esepsionál sai husi serka sanitária Munisípiu Díli hamutuk 149. Husi horiseik mai ohin, iha pedidu autorizasaun esepsionál atu sai husi & tama mai serka sanitaria iha Munisípiu Díli, hamutuk hotu 45. Sekretariadu SIJK responde hotu. Husi totál ida ne’e, 26 pedidus maka prienxe kriteriu tuir Resolusaun Governu,

Dr. Rui informa, evolui surtu COVID-19 husi munisípiu Díli, ohin rejista  kazu foun hamutuk 54.  Husi  kazu detetadu  pozitivu   husi loron  7   to’o   26  Marsu  2021, totál hamutuk hotu 292. Kazu detetadu 292 iha Díli ne’e, fahe ba cluster 49, namkari iha instituisaun 4, eventu 1 no  fatin kuarentena 2, suku 16, iha Postu Administrativu Dom Aleixo, Vera Kruz, Nain Feto no  Kristu Rei.

Nune’e mós evolui  surtu covid-19 iha munisípiu Baukau ohin iha kazu foun 4, husi Aldeia Builai, Suku Buibau. Hamutuk hotu iha Baucau iha 24 Kazus detetadus, iha cluster 7.  Evolui surtu covid-19 iha munisípiu Viqueque  ohin la iha iha kazu foun. Nune’e totál   kazu konfirmadu nafatin nain 10,  Viqueque  fahe ba cluster 3.

“Evolusaun surtu COVID-19 iha munisípiu Lautém ho RAEOA nafatin ho kazu detetadu 1. Munisípiu sira seluk, atividade la’o hanesan baibain”. Nia informa.

Ikus nia apelu,  ba populasaun Timor-Leste tomak, liu-liu iha Munisipiu Díli, Baucau ho Viqueque atu nafatin hakmatek, lalika sé tilun ba lia-anin ka rumores, pratíka nafatin medida prevesaun Covid-19. Vit

Leave a Reply

Your email address will not be published. Required fields are marked *