Aniversariu Ba Dala-XXI, PR Lú Olo Loúva Ho Prestasaun Serbisu PNTL
Naunil Media (Dili), Selebra Loron ezisténsia Polisia Nasionál Timor-Leste (PNTL), Ba Dala-XXI. Prezidente da Repúblika (PR) Francisco Guterres Lú Olo Orgullu ho prestasaun serbisu PNTL nian Durante ne’e.Tanba didika sira nia aan tomak hodi asegura Povu no Nasaun doben Timor-Leste.
Prezidente Repúblika hato’o mensajen ne’e liu husi Komunikadu imprensa ne’ebé ható husi Media Ofisial Palasiu prezidensial, sabadu (27/03/2021).
“Polísia Nasionál Timor-Leste, nu’udar forsa ida pertense mós ba estadu hetan konfiansa no respeitu hosi Timoroan sira. Nu’udar Prezidente Repúblika, sente orgullu tanba haree duni esforsu no profisionalizmu ne’ebé sira hatudu liu hosi servisu, importante tebes sira hato’o ona no hato’o dadaun ba Nasaun ne’e” deklara Eiz Prezidenti Parlamentu Nasional Francisco Guterres Lú Olo.
Ema Númeru um hanesan mos funu nain Timor ne’e, hatutan “Ita-nia Nasaun hasoru dadaun situasaun oin-seluk ida no ida ne’e obriga ita selebra mós oin-seluk loron aniversáriu Polísia Nasionál Timor-Leste ba dala rua nulu resin ida. Ita hahii PNTL iha situasaun emerjénsia saúde públika ida nia laran ne’ebé mai hosi pandemia COVID-19 Entre instituisaun públika sira-ne’ebé hola parte iha luta ida-ne’e, Polísia Nasionál Timor-Leste hamriik iha liña oin hodi tau matan ba ita hotu nia seguransa no saúde. Tanba ne’e, ha’u hakarak hato’o ha’u-nia hako’ak boot ba Instituisaun ida-ne’e, ba feto no mane sira hotu ne’ebé loroloron dedika no sakrifika sira-nia an tomak atu garante seguransa no moris-di’ak ba Timoroan sira” hatutan Aman ba nasaun RDTL ne’e.
Iha biban ne’e Prezidente Repúblika aproveita loron aniversáriu PNTL nian hodi saúda PNTL liuhusi Komandante-Jeral Komisáriu Faustino da Costa no Segundu Komandante-Jeral Mateus Fernandes.jos
