CLN Rekoñese Foos Balu Fohuk Tanba Rai Kleur Iha Armazén

Naunil Media (Díli), Relasiona ho distribuisaun foos marka MTCI liuhusi Minitériu Solidaridade Sosial no Inkluzaun (MSSI)  apoiu   ba estudante iha serka sanitária, Diretór Sentru Logistik Nasionál (CLN) Jacinto Paijo hateten, CLN rekoñese iha foos balun fohuk tanba rai kleur iha armazén mak sai kontaminadu, maibé iha balun de’it.

Diretór Sentru Logistik Nasionál (CLN) Jacinto Paijo ba Naunil Media, iha Kintal Boot, sabádu (27/03).

“Tanba ita iha estoke hodi bele atende, tanba tratamentu iha armazén ne’e sempre iha koñesementu no fó formasaun ba estaf sira iha armazén hodi halo jestaun di’ak  tuir padraun internasionál. Sai iha media katak foos ne’ebé mak komdisaun aat ka ladiak ne’ebé mak estudante universidade sira simu di’ak liu troka ne’e mak solusaun ita bele resolve”, Dehan Jacinto.

Jacinto hatutan, durante ne’e foos mak rai kleur bele iha kontaminasaun tanba ne’e mak solusaun atu bele rezolve foos ne’ebé mak MSSI fahe ba universidade   ladiak bele  kordena ba troka fali foos ne’ebé mak aat.

“CLN nafatin asegura produtu ai-han  oinsa mak atu bele garantia nian sutentavel ba Timor-Leste tomak aloka orsamentu  covid-19 nian   iha tinan 2020 ita sosa foos hamutuk 30 mil tonelada kustu totál hamutuk $ 17 miloens, sosa husi Vietname.

Durante ne’e CLN halo  polítika  distribuisaun ba  faze hansan ministéru edukasaun,  ministéru solidaredade sosial no inklusaun (MSSI) no aloka  dezastre natural no balu  sei asegura hela iha armazén”. tenik   Jacinto. Vit