Tortura Ba Joven Na’in-Rua, Arguidu Tama Iha Prizaun Preventiva Bekora

Naunil Media (Díli), Relasiona kazu tortura ba joven na’in rua iha Bebonuk foin lalais ne’e, Tribunal Distrital Díli (TDD) aplika media ekuasaun ba arguidu nain tolu  tama  iha prizaun preventiva Bekora tanba iha indisforte ba krime lima (5) ne’ebé promove husi Ministeriu Públiku (PM).

Advogado Privadu Octavio Cardoso ba jornalista sira hafoin julgamentu, iha TDD, Kolmera, sexta (26/03).

Tuir  Octavio  suspeitu na’in hitu ne’ebé halo julgamentu TDD aplika media ekuasaun ba arguidu nain tolu  tama  prizaun preventiva tanba iha indisforte ba krime lima husi MP no aplika apresentasaun periódika ba arguidu ba na’in haat.

“Prizaun preventiva tanba iha indisforte ba krime lima (5) ne’ebe mak promove husi Ministeriu publiku ne’e faze investigasaun tenki iha diferensa entre primeira interogatóriu ho julgamentu normál, tanba ne’e  inisiu de’it”, dehan Advogado Octavio.  

Nia explika, razaun ba iha medida ekuasaun ne’e futuru karik iha durasaun ba prosesu investigasaun ba  arguidu sira ne’e, mak atu hateten katak medida ekuasaun ne’ebé mak aplika mós opotunidade ba parte defesa bele hare fila fali kazu tanba  krime lima hanesan imputa krime lima ba rguidu sira hanesan sekuensia prevista iha artigu 160, Raptu prevista iha artigu 161, violensia ba domisiliu prevista iha artigu 185,  uzudukasaun funsaun, asosiasaun kriminiza prevista artigu 188 no hotu-hotu iha kodigu penal Timor-Leste.

“Parte defesa iha posibilidade kestaun ba prosesu ne’ebé mak la’o dadaun hanesan primera introgatóriu ne’e, ita entende katak prosesu ida ne’e iha investigassaun nia laran, loke no deklara ba arguidu sira katak los duni sira involve prosesu ne’e kala’e ida ne’e  mak objetivu loke primeru introgatóriu la’ós hateten katak sira tama prizaun”. Tenik nia

Nia dehan, prosesu investigasaun la’o nafatin, ne’e la’os desizaun husi tranzitu governu maibé ne’e despaixu diferente entre primera interogatóriu sumáriu ne’e, despaixu iha krime ne’ebé mak diferente tanba ne’e faze investigasaun presiza haree, parte defesa mos posiblidade bele halo rekursu no presiza haree mos faktu sira hela.

Nia dehan, arguidu na’in 3 ne’ebé tama prizaun preventivu ho naran inisial mak hanesan JO, DU no KG, aprosima periódika  tuir despaisu   semana ida dala rua, la promove sira ba iha prizaun preventiva.

Entretantu arguidu sira hetan asistente legal hosi advogadu privadu na’in rua seluk tan mak hanesan Ismael Assuncao Lopes ho Marito da Costa. Ipe