Lider Xanana Gusmão, Oin Seriu Bainhira Hakat Sai Husi Edifísiu MP

Naunil Media (Dili), lider Resistensía Kay Rala Xanana Gusmão, hanesan mós prezidenti CPN-CNRT ohin loron segunda, 29 marsu 2021 maiuzoumenus tuku 9:00 otl, hakat ba iha ministeriu públiku (MP).

Tuir infromasaun lider nasionál ne’e hakat ba iha MP hodi presta deklarasaun ba ministeriu públiku relasíona ho keixa husi lider nasionál FRETILIN, Mari Bim Amudi Alkatiri. Kona-ba deklarsaun husi CPN-CNRT, antes ne’e kona-ba deskonfia Mari Alkatiri simu subornu husi kompañia internasional conocophilips iha 2002 to 2004.

Antes rona akuzasaun ne’e iha loron 07/07/2020, Lider Nasionál Mari Akatiri la simu hodi deklara katak akuzasaun ne’ebé CPN-CNRT deklara ne’e falsu nomós la iha baze fundamental.

Nune ikus Mai Mari Alkatiri disidi lao tuir dalan legal hodi disidi prezenta keixa ba ministeriu públiku, hasoru lider konsellu polítika Nasionál partidu kongressu Nasionál Rekonstrusaun Timorense (CPN-CNRT).

“Ha’u mai hanesan sidadaun baibain laos lider nasional, mos la’os mai hanesan Sekretériu Jeral FRETILIm, Maibé ha’u mai atu reklama ba Estadu, ha’u nia direitu. boom nome, direitu ba dignidade, direitu atu ema labele nafatin ataka ha‘u, bainhira laiha baze”, deklara Mari Alkatiri antes ne’e hato keixa ba MP Tersa (07/07/2020)

Hafoin Mari Alkatiri Hato keixa ba MP iha Loron 07 Fulan Jullu 2020. Iha Loron 23 Janeiru 2021 membru CPN-CNRT halo reuniaun extra Ordinariu ida hodi deklara Katak kona-ba Kazu ne’e. Prezidenti CPN-CNRT mak sei ba hasoru Mari Alkatiri Iha Tribunal.

Hafoin rona deklarsaun ne’e mosu Pro ho kontra katak dezisaun ne’ebé CPN-CNRT deklara hodi haruka lider karismatiku Kay Rala Xanana Mak Ba ne’e la tuir lei.

Relasiona ho Pro kontra hirak ne’e sai hanesan Prespetiva sosiedade nian. maibé ikus mai prezidenti CPN-CNRT Kay Rala Xanana Gusmão disidi hodi hatama provas ba MP kona-ba kazu ne’e.

Tuir observasaun hafoin Lider nasional ne’e to iha edifisiu ministeriu públiku , ho rapidu uza kamiza mutin liman naruk nomos kalsa metan sapatu metan inklui maskra kor azul ne’ebé baibain folin sentavus 0.25 hodi taka metin ibun no inus.

Hafoin tama la to minutu tolu nulu. La kleur de’it lider nasional ne’e hakat sai husi odamatan, edifisiu ministeriu públiku nian hodi sai mai estrada.

Hafoin lider ne’e to iha portaun boot MP, hare grupu balun hakilar hodi dehan ‘’ Viva, Xanana Gusmão, viva Xanana Gusmão. Hare sira viva lider ne’e ho oin boot la hamnasa. Hodi hiit liman ho sestu haruka sira fila.

Maske lider ne’e hakilar hodi hiit liman dehan fila, maibé grupu hirak ne’ebé uza kaos ho kor mutin ho foto Xanana nian, la tauk hodi kontinua hakilar ‘‘viva Xanana Gusmão, viva Xanana Gusmão’’. Ho nune’e lider ne’e kontinua hakbesik ba sae kareta privadu ho koor mutin.

Hafoin to’o iha kareta nia odamtan grupu hirak ne’e aumenta hakilar maske serku metin husi eskolutu inklui PNTL. Hare grupu ho kaus mutin ne’e hakilar Lider karismatiku ne’e buka Fatuk atu tuda mabé la konsege, nune ikus liu lider ne’e hakilar hodi dehan ‘‘ sai tiha’’ ho oin boot sae ba kareta. Ba direita iha Media Nasional GMN.DMS