Estudante FCS-UNTL Husu Governu Kria Kondisaun Molok Estende EE Ba Da-12
Naunil Media (Dili), Estudante Universitariu Husi Fakuldade Síensia Sosiais (FCS sigla Portugés) Universidade Nasionál Timor Lorosa’e (UNTL), husu oitavú governu konstituisional atu kria kondisaun ba estudante no populasaun sira molok Estende Estadu Emerjensia (EE) no serka sanitaria (SS).
Tuir Porta-Voz Zevedeo Montero Pinto deklara durante implementa serka sanitaria iha munisipiu Tolu Baucau Dili Viqueque tuir sira nia Observasaun Governu la iha kapasidade hodi kria kondisaun ba populasaun nomos estudante sira. Tanba durante ne’e Estudante inklui populasaun sira mak sai vitima.
“Ami Apela ba governu liu husi Konsellu Ministru hasai rezolusaun nº 15/2021 iha loron 15 fulan marsu, hodi implementa serka Sanitaria, iha munisipiu Dili, Baucau, Viqueque hodi limita sirkulasaun komunidade sira nian.Tanba durante ne’e implementasaun ne’e fo impkatu bai iha estudante nomos Negosiante sira”, deklara porta voz ne’e liu husi Komunikadu Imprensa ne’ebé mak realiza iha Kampus Faspol Caicoli, tersa (30/03/2021).
Porta voz ne’e deklara se Banhira Governu iha hanoin atu Estende taan estadu Emerjensia ba dala-12 no seraka sanitaria ba dala-3 governu tenke hare uluk negosiante nomos estudante sira nia kondisaun.
“Durante ne’e governu la prepara planu ba estudante sira tuir aula online, komunidade sira halerik ba rendemtu menus, governu la iha kapasidade halo jestaun di’ak.Tanba Covid-19 sa’e makas kada loron, governu la iha seriedade taka aeroportu, negosiante lakon rendimentu, traballdor balun lakon nia serbisu” nia hatutan.
Tuir sira Governu TL la presiza estende EE ho SS. Maibe tenke eduka sidadaun hotu lao tuir protokolu OMS.
Tuir resolusaun governu Serka Sanitaria sei termina iha loron 02 fulan Abril. DMS
