Oferese Internet Gratuitu, Estudante FCS-UNTL Husu SECOMS Kopera Ho Telekomunikasaun
Naunil Media (Dili) Estudante Husi Fakuldade Síensia Sosiais (FCS sigla Portugés) Universidade Nasionál Timor Lorosa’e (UNTL), Husu-ba Sekretariu Estadu komunikasaun Sosial (SECOMS) kordena ho Telekomunikasaun Tolu hanesan TT, Telemor, Telekomcel atu oferese internet gratuitu ba estudante sira durante aula online.
“Husu ba sekretariu estadu komunikasaun sosial, atu kordena ho operador Timor Telecom (TT) Telemor, inklui Telekomcel hodi apoiu liña gratuitu ba Ami estudante sira iha Estadu Emerjensia no serka sanitaria, nune bele fasilita ami tuir aula online” deklara porta-voz Zebedeo Montero Pinto liu husi komunikadu imprensa ne’ebé realiza iha kampus FASPOL Caicoli, tersa (30/03/2021).
Tuir estudante Universitariu hirak ne’e deklara durante ne’e governu inklui parte relevante la iha interse hodi hare’e preokupasaun no kondisaun estudante sira-nian iha ambitu serka sanitária no implementasaun Estadu emerjensía.
“Ami mos husu ba Ministeriu Ensinu Superior atu dalan diak liu reativa fali prosesu aprendisajem ho maneira semena sim, no semana não atu nune estudante sira labele abandona sira nia estudu” nia hato.
Iha biban ne’e sira mos husu governu atu altera rezolusaun governu nú.15/2021 ne’ebé aprova iha loron 15 fulan marsu kona-ba konfinamentu obrigatoriu no serka sanitariu, iha munisipiu Dili,Viqueque no Baucau.
Partisipa iha Komunikadu ne’e mai husi Estudante husi Departamanetu neen inklui reprezentante Defisiensia sira.DMS
