Ohin, Kazu Pozitivu Covid-19 Díli Rejista Foun na’in-50 no Vikeke Ida
Naunil Media (Díli), Portavoz Kordenador Forsa-Tarefa ba Prevensaun no Mitigasaun Surtu Covid-19 Dr Rui Maria de Araújo informa, Kazu covid-19 komfirmadu rejistan foun husi munsípiu Díli hamutuk na’in-50, Vikeke foun na’id ida no rekupera hamutuk nain 11, ativa baixa 382.
Portavoz Kordenador Forsa-Tarefa ba Prevensaun no Mitigasaun Surtu Covid-19 Dr Rui Maria de Araújo ba jornalista sira liuhusi zoom meeting, tersa (30/03).
“Dadus jerál ba ohin kazu foun totál hamtuuk 51, kazu rekuperadu 11 no totál kazu ativu 382. Husi horiseik mai ohin hamutuk hotu LNS halo 939 testes PCR, inklui ona iha laran 176, ne’ebé mai husi pedidu autorizasaun esepsionál atu sai husi serka sanitária iha Munisipiu Dili. Total pedidu autorizasaun esepsionál atu sai husi & tama mai serka sanitaria iha Munisipiu Díli, horiseik 29 Marsu, hamutuk hotu 129. Sekretariadu CIGC responde hotu kedas, maibé 13 pedidus la prienxe kriteriu tuir Resolusaun Governu”, dehan dr Rui.
Dr. Rui hatutan, evolui surtu COVID-19 iha munisipiu Díli ohin kazu foun 50. Nune’e, kazu detetadu ka pozitivu ne’e husi loron 7 Marsu to’o 30 Marsu 2021, hamutuk hotu 415.
Nune’e mós nia dehan, evosuaun surtu COVID-19 iha Vikeke ohin iha kazu pozitivu foun ida. Kazu ida ne’e, kontaktu-besik husi kazu iha cluster ezistente. Ho nune’e, kazu detetadu iha Munisípiu Vikeke hamutuk hotu 11.
Ikus nia apela, ba komunidade iha fatin ne’ebé maluk sira rekuperadu sira hela bá, favor labele tauk, tamba sira ne’ebé sai husi fatin izolamentu, ekipa saúde sira sertifika ona katak sira la iha ona risku atu hada’et-tutan virus ba ema seluk. Populasaun husi Munisípiu Díli, Baukau ho Viqueque atu nafatin hakmatek, lalika sé tilun ba lia-anin ka rumores, pratíka nafatin medida prevensaun Covid-19. Vit
