SIJK Organiza Media Ba Vizita Pasiénte Pozitivu iha Izolamentu Tasi-Tolu

Naunil Media (Díli),  Ohin tersa (30/03) ne’e, Sentru Integaradu Jestaun Krize (SIJK) organiza Media nasionál sira ba vizita pasiénte pozitivu covid-19 no hetan akimpaña husi Kordenadór Pilar 7 Nilton do Carmo da Silva hodi haree direta  fatin iha sala izolamentu Tasi-Tolu.

Objetivu husi vizita ne’e, aru jornalista sira  observasaun direta foti fotografu no videografia sira no haree situasaun  izolamentu refere. Hafoin to’o iha fatin estril Kordenadór Pilar 7 Nilton do Carmo da Silva hatudu fatin izolamentu no fatin doutór sira nian no  hatene ba jornalista sira labele kaer arbiru no dook an husi pasiénte sira maizu menus metru lima husi pasiénte.

Kordenadór Pilar 7 Nilton  hatete, izola  pasiénte sira ne’e atu pasiénte sira labele transmite ba ema selun. Pasiénte sira ne’ebé tama iha izolamentu mak hanesan Sintomátiku  no Asintomátiku.

“Ita izola tiha sira, atu sira labele hadaet moras ne’e ba ema seluk. Iha ne’e ita prepara mós aisar dasa rai nian hodi tau  iha pasiénte ida nian fatin, atu pasiénte sira bele halo exersísiu ka hamoos rasik sira nian fatin”, nia informa.

Nilton hatutan, pasiénte sira ne’ebé hela fatin izolamentu ne’e, pasiénte sira ba kazu pozitivu sira la transmite  virus ba malu tanba sira pozitivu tiha ona.

“Iha tratamentu  pasiénte iha izolamentu bainhira pasiénte ida kuandu nia isin manas ita fó aimoruk isin manas no mós kustupadu ka inus been ita fó aimoruk ninian  ba pasiente sira. iha ne’e  pasiénte rekupera lalais liu ne’e iha loron sanulu nian laran”. Tenik Nilton.

Iha oportunidade ne’e pasiénte Pedro Soares hatete,“iha ne’e buat hotu la’o diak, ha’u mai iha sala izolementu ne’e isintomas. Iha ne’e ami sente governu prepara diak no atendementu mós diak”.

Pedro hatutan, kona-ba tratamentu ne’ebé pesoál saúde sira fó ba pasiénte sira mós di’ak. Iha ne’e labarik ki’ik mós iha hotu fatin izolamentu laran.

Tuir Observasaun naunil media iha fatin izolamentu, pasiénte sira di’ak no pasiénte ida livre hala’o exersísiu iha lutu laran no fiziku ne’ebé diak.  

Entretantu iha fatin izolamentu Tasi-Tolu totál pasiénte 150, iha fatin  izolamentu tolu, fasilidade kazadebaino no iha mós fatin exersísiu hodi  pasiénte sira hala’o exersísiu no   fatin ba doutór sira. jjf/vit