Tinan Rua La Selebra Misa Paskua, Dom Virgilio: La Hamate Espíritual
Naunil Media (Díli), Arche Bispo Metropolitanu Díli, Dom Virgílio do Carmo da Silva hateten, maske tinan rua sarani husi igreja katólika iha Timor-Leste la selebra festa Paskua nian tanba mosu pamdemia covid-19, maibé lahamate vida espíritual.
Tuir Dom Virgílio serka sanitária ne’ebé mak governu implementa iha Munisipíu Díli hapara atividade hotu, inklui missa no eskola sira iha TL.
“Tinan rua laselebra missa hamutuk ho sarani sira hanesan bain-bain, maibé lahamate ita-nia deseju vida espíritual. Atu fahe no haklaken ksolok paskua nian ba malu”, dehan Dom Virgílio ba jornalista sira liu-husi komunikadu imprensa iha Piskopal Timorense (CET) Lecidere, tersa (30/03).
Líder igreja katolika ne’e dehan, kuaze tinan ida ona tomak pandemia covid-19 lahusik povu no sarani Timoroan sira hodi selebra iha festa paskua ne’e.
Ikus nia hato’o, mensajen ba sarani sira relasiona ho festa paskua Jesus Kristu moris hias nian duni, lori ita ba simu novidades Jesus nian moris. Leo
