Estudante “Kost” Nain-668 Husi FCS-UNTL To’o Agora Seidauk Hetan Apoiu
Naunil Media (Díli) Senadu Fakuldade Siénsia Sosiais (FCS), Universidade Nasionál Timor-Lorosae (UNTL), António dos Santos Loco deklara to’o agora Estudante alojamentu, (kost) nain-668 Husi FCS seidauk hetan apoiu husi Ministeriu solidaridade sosial no inkluzaun (MSSI).
“Haree ba iha situasaun ida ne’e, fó afeita tebes ba estudante sira ne’ebé hela iha kost. Los duni ami detekta estudante lubuk ida ne’ebé mak afeita los ba situasaun ida ne’e. Entaun ami sente estudante sira ne’e hotu presiza duni tulun husi parte relevante sira, atu bele tau atensaun. Ho ida ne’e ami rekolla sira nia naran hodi haruka ba Universidade” infroma senadu FCS liu husi Via WhatsApp tersa (30/03/2021).
Nia hatutan antes ne’e husi Asosiasaun Akadémika simu despaixu husi Vise-Dekanu asuntu estudantil, nune asosiasaun akademika koopera ho diretor departamentu prepara naran estudante sira nian hodi hatama ba universidade.
“Lista husi estudante hirak ne’e ami entrega ba parte Universidade, maibé emfelizmente estudante UNTL sira seidauk hetan apoiu ne’ebé propoin husi Ministru Ensinu Superior, entaun hanoin ida nee importante tebes hodi Ministru ensinu Superior bele haree ba asuntu ida ne”, nia akresenta.
Iha Sorin seluk, estudante husi Faculdade siénsia sosiais departamentu Cumunicação Social Dalia Soares Pereira dekla durante sira hela iha kost senti susar tanba la iha hahan ne’ebé sufisiente.
“Hanesan estudante ne’ebé maka hela iha kos, sente preukupa tebes, tanba serka sanitária ne’e ami labele halo ami-nia atividades, maibé ami sulan iha uma de’it. entaun ami-nia hahan menus ba dadauk, too ohin loron ami seidauk hetan ajuda husi parte kompetente, entaun hakarak ka lakohi loron ida ami han dala ida”,
Iha Biban ne’e nia parte husu ba governu atu buka solusaun ba sira nia preokupasaun hirak ne’e.
Tuir rezolusaun governu nú 15/2021 iha loron 15 fulan marsu implementa serka sanitaria ka konfinamentu Obrigatoriu iha Munisipiu Dili to loron 2 fualan abril tinan ne’e. RIT
