Governu TL Diside Aumenta SS loron 14 iha Dili
Naunil Media (Dili). Liu husi Komunikadu zoom ne’ebé deklara husi Ministru do Konsellu Ministru Fideliz Manuael Leite Magalhâes ohin 01/04/2021, katak Konsellu Ministru aprova projetu rezolusaun Governu ba impozisaun serka sanitária no konfinamentu domisiliáru jerál ba munispiu Dili Baucau Viqueque.
Iha komunikadu ne’e deklara konfinamentu obrigatoriu ka serka sanitaria iha munisípiu Dili hahu iha loron 2 abril to’o oras 23:59 loron 17 fulan-abríl tinan 2021, iha Munisípiu Baucau no Viqueque to’o oras 23:59 loron 10 fulan-abríl tinan 2021.
“Iha serka sanitaria ne’e disidi Mantein regra hotu-hotu ne’ebé define ona iha anteriór Rezolusaun Governu ne’ebé impoin ona serka sanitária sira no konfinamentu domisiliáriu iha munisípiu sira ne’e” deklara governante ne’e liu husi Video Zoom, mak realiza iha Palasiu governu.
Nia deklara “Nune’e kontinua bandu sirkulasaun ema entre munisípiu sira ne’e no iha munisípiu seluk, eseptu iha kazu sira ne’ebé ho fundamentu forte tanba razaun seguransa públika, saúde públika, asisténsia umanitária, manutensaun husi sistema abastesimentu públiku ka realizasaun interese públiku nian”.
Iha komunikadu ne’e governante ne’e deklara hodi husu komunidade Mantein impozisaun no konfinamentu domisiliáriu jerál ba ema hotu ne’ebé daudaun hela iha munisípiu Dili, Baucau no Viqueque, esetu ba razaun sira ne’ebé mak antes ne’e defini ona, liuliu razaun sira ba saúde, ba servisu, no ba asesu ba sasan no servisu sira primeira nesesidade nian.
Tuir dadus ne’ebé relata husi Ministru saúde dadaun ne’e Timor- Leste rejista kazu covid-19 ne’e baixa hela hamutuk 415, rekopera ona 193, mate zero *Lop
