HAK-AJAR: Governu Tenke Atensaun Seriu Kondutór Transportu Públiku No Estudante
Naunil Media (Díli), relasiona serka sanitária Organizasaun Naun Govermental (ONG) HAK no AJAR liuhusi Responsavel Postu Komite Popular Carlito da Costa husu Governu tenke tau atensaun ba kondutór no estudante sira tanba serka sanitária ne’e afeta ba sira nian moris.
Responsavel Postu Komite Popular Carlito da Costa ba jornalista sira liuhusi komunikadu imprensa, iha salaun HAK, Farol, kinta (01/04).
Tuir Carlito kondisaun aktual governu implementa serka Sanitária ho konfinamentu obrigatóriu hahú husi Fulan Marsu iha munisípiu Bobonaru, Kovalima, Baucau no Viqueque liuliu iha munisípiu Díli, hanesan kapital ne’ebé halibur populasaun husi munisípiu 13.
“Preokupa ho konditor transporte públika no estudante sira ne’ebé durante paradu no husu ba governu atu tau atensau seriu ba sira tanba serka sanitáriu ne’e fó impaktu tebes ba sira-nia moris loro-loron”, dehan Carlitu.
Carlito afirma, impaktu husi implementasaun Serka Sanitária transporte públika labele halo operesaun hanesan kondutór taksista no mikrolet sira iha sidade Díli. Nunee mós ba kamioneta angunan sira labele halo operasaun iha Díli laran no dirasaun Munisípiu sira afeta tebes.
“Ami lamenta tebes ho estudante husi situasaun agora prejudika ba estudante ne’ebé dadaun hela iha kost tanba labele selu kost no sosa ai-han tanba husi sira nia inan aman husi munisípiu labele haruka osan mai iha Díli”. tenik Carlito. JJF.