Serka Sanitária, José: Governu ‘Sulan’ Povu Tenke Fó Hahan

Fahe Tutan
Diretór Asia Justice And Ringhts Ajar  Jose Luis Oliveira/foto Naunil Media//Julio Fernandes

Naunil Media (Díli), Relasiona implementsaun Serka Sanitária, diretór Asia Justice And Ringhts Ajar  Jose Luis Oliveira hateten, governu  implementa Serka Sanitaria hodi  bandu povu  halo movimentu  ‘sulan’ iha uma laran de’it tenke fó  hahan ba povu.

“Sé Sulan ema iha obrigasaun ne’e tenke iha obrigrasaun mós fó hahan.  Sé La’e kontra ema-nia direitu ba moris, situasaun agora governu halo tiha Serka Sanitáriu bandu ema labele sai, depois la probidénsia no la oferese hahan ba ema ne’ebé sira tenta salva direitu ida, maibé biola fali direitu Moris”, dehan José ba jornalista sira, iha salaun Hak, Farol,  kinta (01/04).

José hatutan,  iha Serka Sanitaria nia laran sosiadade  konsege halo asaun solidaridade,  maibé fó de’it ba estudante ne’ebé hela iha kost tanba  kbi’it la to’o hodi fó apoiu ba komunidade sira.

“Ami halo asaun solidaridade ba de’it estudante tanba ami-nia kbi’it la to’o, ema ne’ebe sai impaktu ba serka sanitária ne’e la’os deit estudante, maibe ema sira halo negosiu no servisu iha loja konstrusaun, faan ropa  sira ne’ebe governu haruka taka hotu. Kuandu  taka hotu  traballadór sira sei la simu salariu. Iha implementasaun Serka sanitória sosiadade sivil   Ajar ho Hak hamutuk ho  parseiru sira  fahe nesesidade foos, mina, Supermi, Apoiu hirak ne’e, distribui ona ba estudante Kost benifisiariu  hamutuk  714”. tenik José.

Juventude Joaozito Mariano Pinto

Iha sikun seluk, joventude Joazito Mariano Pinto haktuir, governu liu husi Ministéru  Finansas deklara ona ba públiku katak, sei fó subsídiu ba estudantes, universitários no traballadores sira iha implementasaun Estadu Emergénsia no Serka Sanitária nia laran. Maibé nunka iha data fiksu konaba subsídiu ne’ebé Governu atu fó.

“Seráke governu seidauk sente no seidauk hatene katak, oras ne’e dadauk estudantes, universitáriu no traballadór sira agora iha hela situasaun krítiku no difísil nia laran ka hein povu  hakotu iis mak foin bele simu subsídiu husi Governu karik?. Governu   nian planu ne’e atu atende ba sé loos no tanba sá governu la prepara uluk kondisaun ba  sidadaun sira antes atu implementa estadu emerjénsia.

“Ida ne’e hatudu momos katak    VIII Governu Konstitusional ne’ebé forma husi Partido ho KHUNTO no tonka husi Partidu FRETILIN, laiha kapasidade Jestaun, Orienta no Organiza nia povu hodi desvaloriza tebes povu ida ne’e, tanba la trata nia povu ho dignu. Governu hanoin mak kria uluk Estadu Emergénsia duké valoriza no dignifika uluk nia povu. Povu sei la terus no la mate tanba vírus COVID-19, maibé sei terus no mate tan de’it hamlaha”. Tenik Joãozito. JJF

Leave a Reply

Your email address will not be published. Required fields are marked *