Covid-19: Kovalima Rejista Fali Foun Na’in-Ida
Naunil Media (Díli), Portavoz Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS) Dr. Rui Maria de Araújo, informa kazu covid-19 munisípiu Kovalima foin lalais livre, maibé agora rejista ikas fali komfirmadu pozitivu foun na’in-ida abitante viajén husi Díli bá munisípiu Kovalima.
Kordenador Forsa-Tarefa ba Prevensaun no Mitigasaun Surtu Covid-19 iha Timor-Leste (CIGC-SS) Dr. Rui Maria de Araújo naunil Media asesu husi nota imprensa husi Sentru integaradu Jestaun Krize (SIJK), sábadu lokraik tuku 04:00, (03/04).
“Evolui surtu COVID-19 iha munisípiu Kovalima ohin deteta kazu pozitivu ida, iha Munisipiu Covalima. Kazu pozitivu ida ne’e halo viajen husi Díli iha loron 2 Abril 2021. Iha Díli hela iha Fatuhada”, dehan Dr. Rui.
Alende Konvalima Dr. Rui dehan, evolui surtu COVID-19 iha Munisípiu Díli iha kazu foun 36. Nune’e, kazu detetadu ka pozitivu husi loron 7 Marsu to’o 3 Abril 2021, hamutuk hotu 563. Ho baze ba informasaun ne’ebé ekipa konjunta saúde nian rekolle, foku/cluster kazu pozitivu iha Díli.
Ho nune’e, iha Munisípiu Díli, iha cluster foun 5 cluster 1 deklara inativu, ohin mosu fali. Totál iha cluster 56 maka sei nafatin hatudu atividade hada’et-tutan virus SARS-CoV-2, husi ema ida ba ema seluk, liu-liu iha Suku Madohi, Bebobuk, Fatuhada, Comoro, Bairro Pité, Vila Verde, Motael, Kulu-Hun, Lahane Oriental, Bekora.
“Tuir dadus jerál kazu foun ohin totál hamutuk 37, kazu rekuperadu 51 no totál kazu ativu 447. Husi totál kazu foun ohin mane 25, feto 12. Husi kazu ne’e, sintomátiku 4 no asintomátiku 33. Husi horiseik mai ohin hamutuk hotu LNS halo 217 testes PCR, inklui 10 testes ba ema ne’ebé halo pedidu atu hetan autorizasaun esepsionál hodi sai husi serka sanitária iha Munisipiu Díli”. Dr. Rui Akresenta.
Eis Primeiru Ministru Dr. Rui relata, totál pedidu autorizasaun esepsionál atu sai husi serka sanitária iha Munisipíu Díli, horiseik 2 Abríl hamutuk hotu 53. Sekretáriadu SIJK responde hotu kedas, no aprova 40 pedidus ne’ebé prienxe kritériu tuir Resolusaun Governu.
Husi dia 1 de Abril to’o dia 3 de Abril de 2021, hamutuk hotu iha ema 1,137 maka sai husi serka sanitária Munisipiu Dili. Husi total ne’e 476 (41,8%) deit maka hetan autorizasaun esepsional husi CIGC-SS. Maioria, ka 58,2% maka halai sai, sem iha autorizasaun husi CIGC-SS. Munisipiu sira ne’ebé ema barak-liu sai husi serka sanitária Minispiu Dili sem iha autorizasaun esepsionál maka: Ermera (528), Aileu (48), Viqueque (29), Ainaro (17), Manufahi (14), Liquiça (12), Bobonaro (9).
Ikus nia apela, ba populasaun Timor-Leste tomak, atu nafatin hakmatek, lalika sé tilun ba lia-anin ka rumores, pratíka nafatin medida sira ne’ebé ita hotu hatene ona: (a) Uza mascara; (b) fase liman beibeik ho sabaun ka dezinfetante ruma; (c) evita kose liman ba matan, inus ho ibun; (d) wainhira kumprimenta malu, lapresiza ka’er liman, bensa-liman, rei-malu ka haku’ak malu; (e) evita halibur malu barak; (f) hamri’ik ka tur do’ok husi ema seluk, mínimu metru ida ho balun. Vit
