Alice Husu Governu Apoiu Urjente Ba Vítima Umakain 10 Iha Aldeia Lemorana

Naunil Media (Díli), Xefe aldeia Lemorana Alice da Costa,  husu governu fó apoiu urjente ba família  umakain 10 nu’udar vítima husi udan bo’ot mak akontese foin lalais, tanba bee lori hotu sira nia-uma, sasán uma laran

Aldeia Lemorana, pertense ba Suku Dare, Postu adiministratvu Vera Krus, Munisípiu Díli.

Xefe aldeia Lemorana Alice da Costa ba Naunil Media via telefone, tersa (06/04).

“Ha’u-nia populasaun umakain 10 ne’e mota lori hotu sira nian uma, sira la lori sasán ruma husi uma laran, sira halai ho liman mamuk tanba ne’e ami husu ba governu presija apoiu imidiatamente lona no hahan ba vitema dezastre  naturál ne’ebé akontese iha sábadu (04/04) ne’e”, dehan Alice.

Alice sujere, governu tenke tun mós ba area rurál tanba dadaun ne’e governu tau atensaun de’it ba situsaun iha Díli laran, área ruraál la dun tau importansia.  Iha  aldeia Lemorana família afetadu  dezastre naturál sira hela sede aldeia no vizinu sira fatin presija  fó apoiu hahan ruma ba sira.

“Ha’u mós  hakarak husu governu tun mai urijente hodi haruka ekipamentu pesadu,  atu hadia dalan sira ne’ebé bee estraga no tahan netik uma sira ne’ebé sei iha”. tenik Alice.

Iha okaziaun ne’e vitima  dezastre naturál Carlito da Costa hatutan,  presija apoiu urijente husi governu liuhusi  Protesaun Sivil hodi  fó apoiu nesesidade báziku ba família afetadu sira tanba dadaun ne’e família afetadu sira evakua iha sede aldeia Lemorana.

“Ami husu governu liuhusi Protesaun Sivil presija apoiu urijente nesesidade bázika ba ami  afetadu dezastre naturál. Ami husu mós Ministériu Obra Públiku (MOP) tenki  normaliza fali mota. Se la normaliza mota ne’e uma sira ne’ebé sei hela mota sei lori tomak tanba ne’e ami husi governu presija mai haree”. tenik nia.

Entretantu aldeia Lemorana lokaliza iha mota Maloa nian ho totál populasaun 80-resin umakai 10 mak afetadu ba dezastre naturál no  dadau ne’e afetadu sira okupa iha sede aldeia Lemorana no balun hela iha família vizinu sira fatin to’o agroa afetadu sira seidauk apoiu ruma husi parte governu.Vit