FEATUREDGeralIkus LiuNews

Espoza PR Apoia Nesesidade Bázika Vitima Dezastre Naturál

Fahe Tutan

Naunil Media (Díli), Espoza Prezidente Repúblika  Cidalia Mouzinho Nobre Lopes Guteres  hamutuk ho Redi Feto Timor-Leste (RFTL), Plan internasionál no komisaun sadia vizita refujiadu iha Salaun FMA Balide hodi ajuda nesesidade bázika ba komunidade afetadu dezastre naturál.

“Ohin, ha’u mai hamutuk ho bin sira husi rede feto Timor-Leste, Plan Internasionál nomós komisaun sadia ami-nia vizita  primeiru lugar ami mai haree  vitima   sira nian kondisaun deszastre natural”,  espoza PR Cidalia liuhusi nia diskursu, iha salaun Madre Filha de Maria Ausiladora (FMA), Balide, tersa (06/04).

Espoza PR husu,  agradese wa’in   ba madre sira ne’ebé  loke ona  uma  hodi simu  inan feton sira,  oan ki’ik sira ferik katuas ne’ebé mak husik hela ida idak nia fatin tanba dezastre naturál ninian ne’ebé mak afeta ba  sira.   iha vizita ne’e hakarak hakbesik ba vitima inundasaun tanba   kuaze afeta ema barak  família ida-idak hamos sira nia hela fatin oinsá atu kontribui ba saúde família nian.

“Ami-nia vizita ida ne’e, ha’u ohin hatete ona katak ami hakarak mai hakbesik liu ba ita boot sira tuir los iha horseik hodibainrua, maibé hanesan ita hotu hatene katak inundasaun ida ne’e kuaze afeta ba ita hotu. Entaun kada família ida-idak preokupa ho ninian uma tanba ita mós tenke hadia uma. Vizita  ida ne’e mós ami hakarak hatete katak sofrementu husi inundasaun. Entaun ai-han ka sasán sira ne’ebé mak ami lori mai ami hanoin katak la to’o saida mak ita boot sira lakon, saida mak naben tiha la’ós ita boot sira de’it, maibé iha mós família sira seluk iha fatin sira seluk ne’ebé mak triste liu todan liu mak ba família sira ne’ebé mak lakon sira nia membru familia i balun kuaze família tomak taka”. Tenik nia.

Iha fatin hanesan Madre superiora FMA Balide Me. Angelita Gomez  haktuir,   tulun ne’ebé  sira halo ne’e knaar sira nian duni no sira lapersija hein tan buat barak.

“Ida ne’e knaar, ami-nia la presiza hein buat  barak. Maibé,  ami tulun buat ne’ebé ami bele iha domingu ne’e ami prontu tiha ona atu misa ami hamri’ik iha ne’e haree iha ne’ebá bee tun labarik balun dehan ajuda lai ajuda lai. Entaun  ami halai ba iha ne’ebá no ami lori sira mai”. dehan Me. Angelita.

Entretantu nesesidade bázika ne’ebé  espoza PR  apoia mak hanesan foos, mina, masi midar, susu ben, xá, supermi, sabaun, rinso, no seluk tan no familia ne’ebé refuzia iha fatin hamutuk uma kain 67, komunidade mai husi aldeia Alto Penal,  suku Maskaeinas no  postu administrativu Vera Kruz. Jos

Leave a Reply

Your email address will not be published. Required fields are marked *