Xanana Konsidera Covid-19 Ho Dezastre Naturais Provas Husi Maromak
Naunil Media (Dili) Lider Karismátiku Kay Rala Xanana Gusmão Konsidera akontesimentu dezastre naturais Ho moras Mundial Covid-19 hanesan provas husi Maromak ba ita ema nia-fi’ar.
Lider násional Kay Rala Xanana Gusmão hato’o lia-hirak ne’e molok distribui nesesidade bázika ba komunidade afetadus iha aldeia Mauk Suku Manleuana, postu administativu Dom Aleixo Munisipiu Dili, tersa (07/05/2021.)
“Dezastre naturais ho tan buat ida hanaran Covid-19 ne’e ; Maromak hakarak koko ita hodi haruka taan udan boot mai hodi ita terus. Uluk 1972 iha fatin ne’e ema la iha, sidade Dili Uma ladun barak, ohin loron mak ita foin hetan fali udan sobu uma iha fatin hotu-hotu, hodi hamate ema no ameasa ponte balun atu kotu iha munisipiu balun” hateten eiz prezidenti da Repúblika RDTL ne’e.
Eiz komandu da luta Livertasaun Nasional Timor-Leste Kay Rala Xanana Gusmão hatutan, “ita fiar katak provasaun ho susar hirak ne’e sei ultra pasa, nune’e lalika tanis no lalika laran susar ita nia Maromak ho Rai Luluik sei nafatin tulun ita,” hatutan lider ne’e.
lider resitensia ne’e deklara ho dezastre ne’e nia la iha kbiit atu ajuda, maibé nia nafatin buka meius hodi oinsa ajuda komunidade afetadus sira.
“La Iha Kbiit atu apoiu buat barak, ohin iha makina “Eskpator” to ona mai, ita husu boot, keta udan taan karik ita la hatene, tanba natureza mai ita labele halo buat ida” nia hatutan.
Iha Biban ne’e lider ne’e husu ba Komunidade afetadu sira atu nafatin hakaraik aan no pasensia hodi hein ajudus iha tempu tuir mai ba uma hirak ne’e lakon.
Tuir observasaun nesesidade bazika ne’ebé lider ne’e distribui ba komunidade sira mak hanesan Mina, foos, Indomilk, Supermi inklui nesesidase bazika sira seluk ho Trator Ida hodi ajuda kee sai rai ne’ebé hanehan komunidade nia uma.
Tuir Dadus Jeral husi udan boot ne’ebé akontese iha sabadu loro 03 fulan marsu, konsege estrga maioria uma populasaun nian iha Dili Inklui, komunidade nain 34 mak lakon vida maioria husi Munisipiu Dili 13 Manatuto 12 no husi Baucau Bagia, Ainaro Maubise inklui Aileu nain-7. Dms
