EUA Sei Apoiu Finanseru $100 Mil Ba TL

Fahe Tutan

Naunil Media (Díli), Embaixadór Estadu Unidu America (EUA) ba Timor-Leste Kevin Blackstone informa, governu EUA sei apoiu finanseru montante hamutuk $ 100 mil ba Timor-Leste ba programa tinan lima.

“ EUA  anúnsia ona atu apoiu programa ba tinan lina ne’ebé  sei fo osan ho montante aprova hamutuk  $ 100 mil dolar ne’e separadu sei entrega  iha tenpu badak. Hau agradese tebes ba Presidente Parlamentu Nasionál (PPN) ho nia vice nain rua ne’ebé fo sira-nia tenpu kuaze oras ida ho balun mai ha’u hodi ko’alia kona-ba hametin relasaun entre embaixador estadu unidos America ho Timor-Leste”, Embaixadór Estadu Unidu Ameriká Kevin Blacktone  ba jornalista sira hafoin remata enkontru ho Presidente Parlamentu Nasionál (PPN) Aniseto guterres, iha resintu Parlamentu Nasionál,  kuarta (07/04).

Kevin hatutan, ohin koalia ho Presidente Parlamentu Nasional kona-ba apoiu ne’ebé governo EUA fó ba TL iha prosetu fornese husi USID atu fo serbisu ida ne’ebé halo iha ámbitu parlamentár   Timor-Leste.

“Ha’u-nia kolega Jack ne’ebé hanesan USID iha Timor-Leste nian mós sei ko’alia ho diretamaente ho ministériu relevante sira atu identifika apoiu ne’ebe sei fó ba Timor-Leste montante osan dolar Americano $93 milaun ne’e fó ba protesaun sivil atu bele responde ba   inundasaun foin lalais ne’e”, Kevin haktuir.

“Ami mós ko’alia kona-ba vizita sira iha pasadu ne’ebe membru EUA nia halo mai Timor-Leste atu membru parlamentar no deputadu sira bele ba vizita no mós ko’alia kona-ba akontese ne’ebe iha,  hanesan situasaun covid-19,  ekonomia no inundasaun mak akontese no mós fortalesimentu demokrásia”, nia subliña.

Nia konta, ezemplu ida akontese iha Burma ne’ebe militár sira la simu resultadu eleisaun ne’ebé hatudu katak sira kontra demokrásia, maibé iha Timor-leste tane aas demokrásia sira tanba ne’e maka EUA fó apoiu ba Timor-Leste tanba iha valór sei fó ba malu mak hanesan demokrasia no respeita direitu umanu.

“Hau-nia pontu pesoal reprezenta governu EUA katak Timor-Leste halo ona progresu tradisaun ne’ebé di’ak tebes,  ita haree ona katak demokrásia ne’e nian dezafiu  atu ultrapasa. Maibé  la iha tan dalan seluk fiar katak governu Timor-Leste komprende diak ona”. tenik nia. Ipe.

Leave a Reply

Your email address will not be published. Required fields are marked *