Komunidade Afetadu Refuzia Iha UNTL Husu Governu Tulun Sira Urjensia

Fahe Tutan

Naunil media (Díli), Komunidade Caetano Barboza husi aldeia Manu Fuik suku kolmera postu Vera Cruz munisipiu Dili , ne’ebé dadaun ne’e refuziadu iha Sala Liceu Universidade Nasional Timor Lorosa’e (UNTL), husu governu apoiu netik biti kulsaun inklui nesesidade seluk nomos fatin ba sira atu hela.

Timoroan ne’ebé afetadu ba dezastre natural deklara preokupasaun ne’e. Tanba tuir informasaun ne’ebé sira simu iha tempu besik UNTL sei reliza prosesu aprendisazem.

“Ha’u husu ba governu atu Ajuda no tulun ami Liu husi hanesan fós mina kulisaun no sasan Sira seluk tamba iha inundasaun ne’e. Ami la salva sasan uma laran no ohin ami simu informasaun husi Universidade UNTL katak Sira atu aula fali ona tan ne’e husik fatin ne’e para aula fali ne’e duni ami husu Governu para ajuda ami hodi fila uma” dehan komunidade Caitano Barboza ba Jornalista Sira iha Kampus Liceu UNTL, kinta (08/04).

Nia deklara relasiona ho akontesimentu inundasaun iha loron 03 fulan marsu foin lalais ne’e kuaze sira nia-sasan uma laran la salva hotu inklui, uma hetan estragus.

biban ne’e komunidade ne’e agradese ba universidade UNTL tanba bele oferese ona fatin ba sira hodi sata netik sira iha mahon to agora.

“Agradese ema hirak ne’e tulun ona ami hodi oferese hahan inklui fatin mai ami husi dader meudia no kalan” nia agradese.
Total komunidade Sira ne’ebé hela iha Kampus Liceu UNTL husi familia Uma kain 99 ho total ema nain-378 husi total ne’e labarik hamutuk nain-50.

Tuir dadus Jeral husi akontesimentu udan boot ne’ebé foin lalais ne’e konsege hamate ema nain-42, kompostu husi Munisipiu Dili Viqueque Ainaro Manatuto inklui Aileu,husu ne’e maioria komunidade barak nia uma mak hetan estragus husi mota nomos rai hanehan.Ivo

Leave a Reply

Your email address will not be published. Required fields are marked *