Manufahi Apoiu $1000 Ba Afetadu Dezastre Naturál Iha Díli
Naunil Media (Manufahi), Organizasaun Lima Solidaridade Komunidade husi Manufahi fó apoiu montante hamutuk rihun ida $1000 dolar ba sidadaun sira ne’ebé afetadu dezastre naturál iha sidade kapital díli, iha loron 04 Abríl 2021.
Prezidente Liman Solidaridade komunidade Manufahi (LSKM) Antoninho Doutel Sarmento ba jornalista sira liuhusi komunikadu imprensa, iha Centru foin sae Don Boaventura Manufahi (CEFOBOM), Postu Administrativu Same, tersa (06/04).
Tuir Antoninho relasiona ho akontesementu husi udan no anin boot ne’ebé mak halo estragu sai risku ba iha inundasaun iha loron 4 fulan abríl nia laran tanba ne’e LSKM fó apoia solidaridade ba afetadu sira iha Díli.
“Presidente Liman Solidaridade Komunidade Manufahi LSKM, ami husi sentru ida ne’e sai hanesan posku importante ida ba ema hotu-hotu ne’ebé fó hanoin ba maluk atu fó apoia ba afetadu inundasaun iha kapital Díli. Tanba ne’e horiseik ita hahú ita halibur osan hamotuk dolares rihun ida (1000), no osan ne’ebé mak ita halibur sei kanaliza liu husi mosan telemor ba posku FONTIL iha Díli hodi bele apoiu netik maluk sira ne’ebé mak sai vítima sira”,
Antonio hatuan, Timor-Leste tama iha risku ne’ebé mak Perigozu liu-liu iha kapital Díli no munisípiu sira seluk ho kalamidade ne’ebé mak boot, afeta ita nia rain hodi hamosu inundasaun hodi afeta ba ita-nia sosiedade no hodi kauza ema mate no balun lakon uma.
Nia akresenta, husi situasaun dezastre naturál Munisípiu Manufahi iha organizasaun hanesan, LBM, CEFOBOM, CCDC, GJM, AJMF, FAS, CCM, RMD, No pontu Vokal sira nian, ARS no individu sira mak oferese osan ba afetadu sira.
“Ami realiza runiaun hamotuk iha segunda loron liman (5) fulan abríl iha salaun Doutór Fransisco Xavier do Amaral Cefobom nian hodi diside hamotuk no husu ba komunidade no organizasaun inklui organizasaun individu hotu atu fó apoiu ho fuan solidariza ba maun alin sira ne’ebé mak simu risku todan ba inundasaun”. Tenik nia. NFM