PM Taur Simu ona Vasina AstraZeneka Ba Prevensaun Covid-19 Iha TL

Fahe Tutan

Naunil Media (Díli), Ohin kuarta (07/04 ne’e, Primeiru Ministu (PM) Taur Matan Ruak, membru oitavu governu no Arche Bispo Metropolitanu Dili, Dom Virgílio do Carmo da Silva, SDB,  simu   vasina  AstraZeneca ba prevensaun covid-19 iha Timor-Leste (TL).

Ministra Saúde (MS) Dra. Odete Freitas Maria Belo hato’o ba jornalista sira liuhusi ninian diskursu no lansamentu vasinasaun,   iha hospital Bairru Formosa, kuarta (07/04).

“Ha’u hakarak hato’o  informsaun ba públiku  katak durante ne’e Ministéru Saúde (MS) la servisu mesak.   Maibé servisu hamutuk ho líder  primeru ministru (PM) Taur Matan Ruak   la’os iha tempu lansa mentu vasinasaun ne’e  oinsa atu konbate moras covid-19”, dehan Dra Odete.

Ministra Odete  hateten,    vasinasaun hanesan asaun ikus  ba prevensaun covid-19  ne’ebe mak PM  Taur sempre fó  orientasaun  ba  MS,  SIJK no autoridade local    husu ita atu uza maskra no bainhira han ka’er liman no matan, labele halo agrupamentu,  distansia no hela iha uma la iha nesesidade inportante atu sai ba liur hodi  prevene husi Covid-19.

Governate ne’e explika, ema  husi   nasaun boot hakarak hatan vasina  lais atu bele prevene no salva sira nian  sidadaun. Tanbe ne’e   Timir-Leste mos halo  vasina, maibé ita simu  vasina ho  kuantidade  ki’ik oan maibe MS nafatin hamtuk ho interministerial sira hotu  vise primeira ministru    hanesan presidente ba komisaun ba interministeriál  luta hasoru covid-19.   

“Ami sei halo esforsu atu lori vasina ne’ebé kompletu mai iha ita nia rain, atu informa mós katak durante preparasaun hahú husi fahe informasaun treinamentu fó informasaun ba iha komunidade to’o lori vasina mai  Timór   ita   gasta osan $  1.5 miloens dolar  orsamentu ne’e mak husi MS sura husi rekursu ne’ebé iha no osan hetan apoiu husi ajénsia sira husi OMS, UNICEF no organizasaun sira seluk  kontribui hamutuk bele realiza serimónia”. Tenik nia.

Ikus nia dean,  bainhira hetan vasina sei hetan kartaun tanba sei ba tan dozes daruhak tempu hanesan. Karta vasina  ne’e sai   hanesan pasaporte ba covid-19 nian  tanba iha nasaun seluk mós hahú halo pasaporte covid-19. Atu   sai ba nasaun seluk sei hatudu  katak simu ona vasina covi-19. Ipe   

Leave a Reply

Your email address will not be published. Required fields are marked *