Xefi Suku Hera, Husu Governu Konstrui Uma Komunidade ne’ebé mota Lori

Fahe Tutan

NAUNIL MÍDIA (Dili), Xefi Suku Hera Postu administartivu Cristo Rei Munisipiu Dili, Antoninho Marcos da Silva husu ba Governu atu tau atensaun ba vitima hirak ne’ebé mak afeita ba dezastre baturais liuliu konstrui uma komunidade nian ne’ebé mota lori.

Lia hirak ne’e hato’o husi Xefi Suku Hera ba jornalista hafoin partisipa entrega nesesidade bázika ba vitima sira husi Gabineti Prezidente Repúblika iha Kuarta (07/04/2021)

“Ha’u hanoin liu liu ba parte guvernu atu tau atensaun ba vitima sira ne’e tanba balun ne’e sira nia uma lakon totál ho nune’e mak ami rekomenda Guvernu atu tau atensaun ba ida ne’e”, hateten autoridade lokal ne’e.

Nune’e tuir dadus ne’ebé rekolla husi xefi suku Suku Hera, iha fatin refuziadu 3 mak hanesan sentru Brimob uma kain hamutuk 85, iha padre Dominikano uma kain hamutuk 75, no iha Parokia Hera nia hamutuk 63, totál uma kain hamutuk 223 mak agora dadaun evakua hela ba sentru tolu ne’e
‘Iha familia balun ne’ebé labele detekta tanba sira halai ba família sira ne’ebé uma la estraga too agora sira seidauk hetan ajudus ruma” hatutan autoridade ne’e.

Nia hatutan atu konstrui uma komunidade presiza mos hadia ponte ne’ebé ma kotu inklui Drainajen mota ne’ebé sata netik komunidade nia uma.

Relasiona ho preokupasaun ne’e prezideti da Repúblika liu husi xefi Casa civil José Maria de Vasconselhos deklara preokupasaun hirak ne’e sira simu hosi komunidade nune iha tempu tuir sei kordena ho parte kompetente hodi hare kesataun ne’e.

“Ami ohin simu duni rekomendasaun husi aldeia balun katak sira presiza halo be’e dalan ba sira nia hela fatin i depois ida ne’e Prezidente Repúblika sei kordena ho ministeriu komponente liu liu ba Obras Públika atu haree tau dalan halo nusa tau matan halo nusa mak hadia bee dalan para sira bele hadia fali sira nia uma mós labele afeta nafatin ba sira iha futuru”dehan xefi Casa Civil ne’e.

Nia hatutan dadus vervalmente husi vitima ba dezastre naturais sira rona no haree ona, maibé husi parte autoridade lokál presiza hato’o karta nomos dadus konkretu ruma hodi hato’o ba governu.*jos

Leave a Reply

Your email address will not be published. Required fields are marked *