COVID-19: Kazu Pozitivu Rejista tan Foun na’in-70, Rekupera 48
Naunil Media (Díli), Iha sexta (9/04) ne’e,Portavoz Kordenador Forsa-Tarefa ba Prevensaun no Mitigasaun Surtu Covid-19 Dr Rui Maria de Araújo informa, Kazu covid-19 komfirmadu rejistan foun hamutuk na’in-70, rekupera 48 no ativu baixa 515, tanba ne’e SIJK apela ba komunidade kumpri regra prevensaun.
“Dadus jerál ba Timor-Leste tomak Kazu detetatu foun iha loron 9 Abríl 2021 totál hamutuk nain-70 (53 iha Díli, 17 husi munisípiu sira seluk), kazu rekuperadu ohin hamutuk 48, kazu ativu baixa hamutuk 515. Husi totál kazu detetadu foun ohin mane 46 no feto 24 no husi totál kazu detetadu foun ohin sintomatiku nain-4, asintomátiku nain- 66”, dehan Portavoz Kordenador Forsa-Tarefa ba Prevensaun no Mitigasaun Surtu Covid-19 Dr Rui Maria de Araújo Naunil Media asesu liuhusi nota imprensa SIJK ohin.
Dr. Rui hatutan, husi horiseik mai ohin hamutuk hotu LNS halo 745 testes PCR, inklui 516 testes ba ema ne’ebé halo pedidu atu hetan autorizasaun esepsionál hodi sai husi serka sanitária iha Munisipiu Dili. Total pedidu autorizasaun esepsionál atu sai husi serka sanitaria iha Munisipiu Dili, husi dia 6 to’o dia 8 de Abril, hamutuk hotu 431. Sekretariadu CIGC responde hotu kedas, maibé 42 pedidus la prienxe kritériu tuir Resolusaun Governu.
Tuir Dr. Rui Evolui surtu COVID-19 ba munisipiu sira ne’ebé ohin rejista mak hanesan munisípi Díli hamutuk deteta kazu detetadu foun 53. Husi kazu pozitivu loron 7 Marsu to’o 9 Abríl 2021 totál pasiente hamutuk hotu 742 fahe ba cluster 23, Munisípiu Baukau ohin rejista deteta tan kazu foun 1 Kazu pozitivu hirak ne’e ba husi Díli. Iha Baukau ho baze area geografika totál iha cluster, munisípiu Manatuto ohin kazu foun detetana’in1, kazu ida ne’e halo viajen husi Díli. Munisípiu Kovalima deteta tan kazu pozitivu 13 husi kazu pozitivu sira ne’e viajen husi Dili iha loron 7 Abríl 2021 no munisipiu Lautém deteta tan kazu pozitivu 2 kazu hirak ne’e, iha kuarentena iha Lospalos.
Ikus nia apela ba populasaun Timor-Leste tomak, liu-liu iha Díli no munisípiu sira ne’ebé afetadu ho inundasaun ba sira ne’ebé maski lakon uma, sasan no hela fatin, no tenki evakua ba fatin publiku sira, halo favor nafatin uza meius hotu ne’ebé iha atu hado’ok-an husi kontájiu moras Covid-19, liu-liu nafatin uza mascara, no faze liman beibeik ho bé no sabaun ka dezintetante ruma. ba populasaun ne’ebé provizóriamente tenki hela iha sentru evakuasaun sira, atu kolabora ho ekipa konjunta saúde, hodi foti amostra ba análize laboratóriu. Vit
