FEATUREDIkus LiuNewsSeguransa

Kevin: EUA Nafatin Apoiu Kapasitasaun Ba F-FDTL

Fahe Tutan

Naunil Media (Díli), Embaixadór Estadu Unidus Ameriká (EUA) ba Timor-Leste Kevin Blackstone informa,  Estadu Unidus Ameriká (EUA)  nafatin fó apoiu kapasitasaun ba  militár Falintil Forsa Defesa Timor-Leste (F-FDTL).  

Embaixadór Estadu Unidus Ameriká (EUA) ba Timor-Leste Kevin Blackstone ba jornalista sira hafoin Ministru Defesa (MD) Filomeno Paixão de Jesus, iha Quartel Geral F-FDTL, sexta (09/04).

“Antes ne’e ha’u dehan ona   katak EUA ho TL konpartilla valór demokrátiku no respeitu direitu umanu. Tanba  ne’e mak EUA kontinua nafatin apoiu Timor-Leste hodi  diskuti ho Ministru ho hau halo   kona-ba exersísiu militár ne’ebé sei realiza  iha tinan 2021 hamutuk  ho parseru Multilateral sira”, dehan Kevin.

Diplomata EUA ne’e hatutan, ohin diskuti   kona-ba Estadu Unidu Ameriká nia apoiu kontinua ba Timor-Leste liu-liu iha parte formasaun forsa militár Timor-Leste nian nomós iha treinamentu programa kooperasaun sira.

Nia hatutan, programa parseria  EUA nian liu husi ámbitu estadu ho TL hodi fó asisténsia durante pandemia covid-19.

“Timor-Leste nia pedidu  EUA  aprova atu reablitasaun aeroportu  Baukau no iha ambitu ne’e sei fó mós komponente aeru ida ba Timor-Lerste hodi kontrola ninian area maritima”. Tenik Kevin

Iha fatin hanesan MD Filomeno Paixao de Jesus haktuir,  EUA sira mai karega polítika ameriká nia dezde iha tinan kotuk atu apoiu nafatin Timor-leste nia dezenvolvimentu em jerál liu ba F-FDTL ba projetu sira ne’ebe inisiu 2001 too 2021.

“Partikularmente ita iha ezersisu haat (4) ne’ebá mak tinan-tinan  hala’o hela hanesan forsa naval, forsa aero, forsa tereste no forsa enjenaria, sira ejize prontu fó apoiu  nafatin no alen mós rekustu umanu, osan ba sira eskola iha rai liur ba parte militár  no reabiltia  aeroportu Baukau”. Tenik nia. Ipe/pau

Leave a Reply

Your email address will not be published. Required fields are marked *