Lakon Uma, Faluk Luciana Hamonu Mata ween, Hodi Hakuak Espoza PR
Naunil Media (Dili), Vitima afeita inundasaun hanesan mós faluk, Luciana Soares tanis hasoru, hodi hakuak espoza Prezidente Repúblika Cidalia Nobre Mouzinho Guterres Lopes. Tanba kauza husi inundasaun no mota boot lori lakon. Nia-uma.
Inan ne’e tanis hafoin esposa PR hala’o vizita ba iha vitima inundasaun ne’ebé mak dadaun ne’e refuzia iha Igreja Balide.
“Tia ne’e tanis halai mai hakoak ha’u, tanis tanba uma lakon hotu, nia familia laiha ida vitima. Maibé kuaze lakon buat hotu, ne’e mak mai tanis. Ha’u hanoin katak ida ne’e mak ohin ha’u promete hela tia kona-ba uma ne’e, depois mak ita sei hare’e”, hatete espoza PR iha igreja Balide Sesta (09/04/2021).
Espoza PR deklara kona-ba inan feton nia halerik ne’e nia espera iha tempu tuir mai sei ajuda saida mak inan ne’e presiza.
Iha Biban ne’e inan Faluk ne’e husu ba espoza PR atu harii fali nia uma, inklui ajuda ho sasan uma laran ne’ebé mak kuaze lakon hotu.
Iha fatin hanesan Inan faluk ne’e haktuir nia la iha kbiit ona atu harii fila fali nia uma, tanba nia oan feto sira mós forma ona uma kain, dadaun ne’e hela de’it nia ho oan mane ikun
“Ami mai iha ne’e han hemu di’ak hela, maibé aban bain rua ami sai karik ami bá hela iha ne’ebé. tanba ami nia uma bee lori hotu ami nia sasán be’e lori hotu no ami sai ne’e sai los ho ami nia isin lolon de’it, hahán ami nian kolisaun buka kanuru no sasán uma laran ne’e mota lori hotu kedas”, dehan faluk Luciana .
Vitima Lusiana Soares husi aldeia Lemorana Suku Dare Postu administrativu Vera Cruz Munisípiu Dili.Jos/Pau
