Timor Port Apoia Nesesidade Básika Ba SEPS Distribui Vítima Afetadu
Naunil Media (Díli), Diretór Timor Port, Rafael Ribeiro informa, Timor Port fó apoia nesesidade bázika ba Sekretariu Estadu Protesaun Sivil (SEPS) hodi distribui vítima afetadu dezastre naturál ne’ebé akontese domingu foin lalais.
“Ami apoia sasán hirak ne’e ba vítima afetadu dezastre naturál, liuhusi odamatan protesaun Sivil nian, atu apoia urijensia ba vítima sira, tamba oras ne’e dadus privizoriu iha ona SEPS nia liman”, dehan diretór Timor Port Rafael Riberu ba jornalista sira hafoin entrega apoia nesesidade bázika ba SEPS, iha edifísiu SEPS Kaikoli, kinta (08/04).
Rafael hatutan, sasán nesesidade bázika ne’ebé mak Timor Port apoia iha track rua hodi SEPS fahe afetadu sira ne’ebé dadaun hasoru soferementu nian laran tanba ne’e Timor Port inisiativa hodi fó apoia.
“Nesesidade bázika ne’ebé mak ami fó hanesan foos, Supermi Mantolun, Sabaun ho pastadente iha kareta track rua. Governo presiza Tan, mak sira sei nafatin apoia ba vítima afetadu inundasaun sira”. tenik Rafael.
Iha sorin seluk Diretór Nasionál Gestaun Risku Dezastre, Agustonho Gomes Belo, haktuir SEPS apresia ba Timor Port nian apoia hodi Sekretaris Estadu Protesaun Sivil nian naran hato’o agradese Wain ba Timor Port ne’ebé mak iha sentidu solidaridade ba maluk vítima sira, tamba Sira iha solidaridade ne’ebé bo’ot ba povu Timor-Leste.
Ikus nia dehan, dadaun ne’e organizasaun ne’ebé fó apoia nesesidade bezika hamutuk 15, tantu individu NGO no kompania nesesidade sira ne’e sei apoia ba vítima sira iha iha Sentru evakuasaun no apoia bazeia ba dadus ne’ebé SEPS rekolla hela. JJF
