UE Ho Plan Internasional, Apoiu Vitima Inundasaun, Liu Husi MSSI
Naunil Media (Dili), Sesta 9 Abril 2021, Embaixador Uniaun Europeia Timor-Leste, no Country Director Plan Internasionál Timor-Leste, entrega ai-han no matérial ijiene ba Ministériu Solidaridade Sosial no Inkluzaun (MSSI), hodi suporta familia afeita husi pandemia Covid-19 no afeita husi inundasaun foin lalais iha iha teritoriu nasional.
Nesesidade ne’ebé UE ho Plan Internasionl ajuda ba MSSI hodi fo apoiu ba vitima sira mak hanesan Fos, Ekipamentu ijene inklui nesesidade baziku sira seluk.
Tuir Country Director of Plan International Timor-Leste, Dillyana Ximenes hateten, relasiona ho Estadu Emerjénsia, nafatin servisu hamutuk ho governu nomós parseiru sira husi Uniaun Europeia, atu bele tulun vítima sira, liu-liu ba emfaze feto, joven, labarik feto ne’ebé maka vulnerável.
“Plan International servisu hamutuk ho governu no ami-nia parseiru sira hodi garante katak, intervensaun durante emerjénsia ne’e inkluzivu. Entaun Plan internasional nafatin kopera ho Uniau Europeia atu kontinua tulun vítima sira, hodi fornese nesesidade kurtu no longu prazu, hodi fó responde imediata, liu-liu ba labarik, joven no ema ho defisiénsia”, deklara diretora Plan Internasional liu husi nota komunikadu imprensa, iha Salaun Ministéiru Solidaridade Sosial no Inkluzaun (MSSI), Kaikoli.
Diretora Plan Internasionál hatutan, durante konfinamentu serka sanitária ba covid-19 nee, komunidade barak maka hetan difikuldade ba osan, nesesidade báziku no espesial ba hahan.
hasoru difikuldade barak.
“Difikuldade hirak ne’e inklui redusaun ba sira nia rendimentu no menus nesesidade báziku, espesialmente hahan. Situasaun ida ne’e pior liu-tan husi inundasaun,entaun familia rihun ba rihun devastadu, tamba udan boot iha loron 4 fulan Abril tinan 2021, iha timor laran tomak”, nia hatutan.
Nia deklara apoiu refere sei benefisia ba uma kain hamutuk rihun lima atus hitu lima nulu resin lima (5.755), konsentra liu ba feto, labarik feto, grupu vulneravel. no total ajudus ba ema ho defisiensia hamutuk ema nain atus lima (500).
Sorin seluk, Embaixador Uniaun Europeia S.E. Sr. Andrew Jacob’s hato’o, nia sentidu kondolensia no solidariedade ba familia ne’ebé afetada husi pandemia covid-19, no vítima ba inundasaun.
“Uniaun Europeia hamriik ho povu Timor-Leste, durante tempu susar ida nee. Ami kontente ho suporta ne’ebé iha, forma ai-han no matérial ijiene, ba sira ne’ebé afetadu husi dezastre foin lalais, aumenta liu-tan difikuldade kauza husi covid-19”, hakotu embaixador UE. JJF/ Leo
