Inundasaun; Espoza PR Husu Inan Isin Rua ho Bebe Nafatin kuidadu A’an
Naunil Media (Dili), Ema Hotu Sofre inundasaun ne’ebé akontese iha loron sabadu- Domingo (3-4/04/2021), espoza Prezidente Repúblika Cidalia Nobre Mouzinho Guterres Lopes husu ba inan feton ne’ebé isin rua atu nafatin kuidadu sira nia aan ho Bebe sira.
Espoza PR hato’o lia hirak ne’e hafoin ba vizita Vitima inudasaun ne’ebé refuzia iha Igreja Balide, sesta (09/04/2021).
“Ha’u hanoin ba inan feton sira bin sira ne’ebé mak isin rua no mós ho bebe kiik sira, husu atu kuidadu an nafatin situasaun hirak hanesan ne’e” hateten espoza PR.
Primeira Dama ne’e deklara triste tebetebes hare’e situasaun hirak ne’ebé fo afeita tebes ba populasaun sira. Tanba ne’e nia parte deklara sira nafatin buka esforsu hodi apoiu imediata tuir kbiit ne’ebé sira iha ba Vitima sira.
“Ami buka oin nusa para atu fo apoiu imediata ba situasaun ida ne’ebé mak nesesidade liu. liuliu mak ida ne’ebé urjensia agora buat sira restu ne’e ita intrega ba iha guvernu ami labele halo liu kbiit ne’ebé la’ós ami nian,” nia hatutan.
Nia deklara “kuaze fatin ne’ebé mak ha’u vizita ha’u husu nafatin liu liu ba inan isin rua sira ne’ebé mak nia loron besik atu partus, atu hasai dadus ninia responsabilidade hasai dadus fo mai ha’u nia xefi sira para atu nune’e ita bele atende inan feton sira ne’ebé mak fulan 8 ona”, akresenta Primeira dama ne’e.
Cidalia hatutan Kuaze iha barak mak bebe nia roupa sira nia presiza ne’e be’e lori hotu entaun ida ne’e mak nia hanoin sira presiza liu no mós ba bebe kiik oan sira nia saúde ne’e importante durante loron 2 ni sempre husu nafatin ida ne’e kordena ho sira nia médiku kontaktu nafatin ho sira SABEH.
Iha fatin hanesan Vise Kordenador refuziadu Parokia Balide Irenio Diaz hateten sira hein tebetebes parte kompotente no prezensa primeira Dama ne’e oinsá atu fo korajen ba vitima sira.
“Refuziadu ne’ebé mak hela iha Salaun Parokia Balide hamutuk 200 ital maibé balun tama sai entaun seidauk klaru no definitivu katak bainhira los mak sira hela iha ne’e. Nune horibaibrua husi Parokia Balide foin simu ema nain-40 ne’ebé entrega husi Kruz Vermela”, nia deklara.
Sasán nesesidade bázika ne’ebé espoza PR apoia ba apoiu ba vitima inundasaun mak hanesan fos, mina, supermi, indomilk, enerjen, no sasán nesesidade bázika sira seluk.*Jos/Pau
