La Hetan Ajudus, Estudante Afeita Inundsaun Konsidera Governu Halo Diskriminasaun
Naunil Media (Dili) Estudante julião Pacheco ne’ebé Afeita ba inundasaun iha loron hirak liu ba, konsidera governu halo diskriminiasaun ba distribui sasan nesesidade bazika tanba to agora sira seidauk hetan ajudus ruma.
Estudante husi Univesidade Oriental Timor Lorosa’e (UNITAL) deklara preokupasaun ne’e bainhira husi parte universidade nian tuun direita hodi ajuda sira iha Aitarak laran, sabadu (10/04/2021).
“Durante loron haat nia laran, estadu ida nunkamai tau matan ba ami-nia kondisaun hirak ne’e, entaun iha loron tolu nia laran prosesu raut sai tahu sira iha uma laran, loron ida ami han supermi falun ida kada ema ida, hodi augenta ami-nia moris hodi halao servisu”,vítima ne’e deklara.
Bobonaro oan ne’ebé hela iha Aitarak laran ne’e hatutan, haree ba notisia sira, lideransa sira barak maka tau-matan ba ema seluk, maibé sira nain hira ne’e, laiha parte balun hodi tau-matan ba sira.
“Ha’u bele dehan, kada vez lideransa sira halo asaun karidade ho diskriminasaun, tanba sira haree parte balun no parte balun laharee, tanba durante loron tolu, laiha lideransa ida maka mai haree ami, no ajuda ami, entaun ne’e hanesan halo diskriminasaun ba ami” nia hatutan.
Tanba ne’e nia husu ba governu atu ajuda sira hodi hare sira nia-kondisaun.
“Durante ne’e Organizasaun uniaun more (organizasaun Ermera nian), neebé apoiu ona ami, fos plastik lima, durante nee ami han. No agradese mós ba Universidade tanba sira mai ho fíziku atu tulun ami, non fíziku maka sira latulun maibé realidade sira tulun ho asaun fíziku”,nia relata.
Nia akresenta, sira nain neen maka hela hamutuk uma ida, maibé momentu ne’eba la salva material balun,tanba bee too iha sira nia kakorok. Entaun material sira nee kompostu husi lap haat, dokumentus hanesan eskola, no dokumentus motor nia,no sasan uma laran tomak kuaze estraga total.RIT
