Trata Guia Laiha Distansia, Flora: Governu Kontra Regra ba Prevensaun Covid-19
Naunil Media (Díli), Maske governu esforsu hodi kria regra ba prevensaun covid-19 iha Timor-Leste hodi orienta sidadaun sira hotu tenke kumpri, estudante UNITAL Flora Pinto hateten, konsidera governu rasik kontra regra tanba faktu hatudu ema hobur iha Sentru Konvensaun Díli (CCD) trata guia ba munisípiu la distansia sosiál loloos governu tenke kria distansia sosial.
Tuir Flora maluk sira ne’ebé mak forma iha CCD trata guia no tuir teste swab ba Munisípiu tanba kumpri regulamentu governu nian maibé sidadaun barak mak loron-loron forma laiha distansia sosiál signifika la kompri regra ba prevensaun covid-19.
“Ami forma iha udan laran durante oras ida nian laran, tanba kumpri regulamentu governu nian atu tuir teste Swab ba guia de marsa. Tanba ne’e ami tenke forma iha udan laran no isin ne’ebé mak to’o bokon. ema barak hadau malu trata hotu , laiha distansia sosiál”, dehan Flora Pinto ba Naunil Media, iha CCD, sábadu (10/04).
Flora hatutan, trata regulamentu dokomentu guia de marsa, maibé hein deit rezultadu loron tolu ona, maibé Sala Situasaun Sentru Entegradu Jestaun Crizi demora Dokomentu.
“Hau trata guia de Mersa teste ona swab hein rezultadu swab kleur los, até agora sedauk fó rezultadu husi Sala Situasaun Sentru Integradu Jestaun Krize demora Dokomentu atu ba Munisípiu Aileu ba foti osan”. Tenik nia.
Tuir observasaun husi jornalista Naunil Media iha fatin CCD ba trata guia mara nota katak abitante kuaze 500 forma no la iha distansia Sosiál, governu presija kria espasu atu abitante bele kumpri regra prevensaun covid-19.
Entretantu regra sira ne’ebé Governu hatu’ur ona atu prevene moras Covid-19 da’et ba mai hanesan Uza mascara, fase liman beibeik ho sabaun ka dezinfetante ruma, evita kose liman ba matan, inus ho ibun, wainhira kumprimenta malu, lapresiza ka’er liman, bensa-liman, rei-malu ka haku’ak malu, evita halibur malu barak, hamri’ik ka tur do’ok husi ema seluk, mínimu metru ida ho balun.JJF