COVID-19: SIJK Rejista tan Kazu Pozitivu Foun na’in-38 no Rekupera Na’in-33
Naunil Media (Díli), Portavoz Kordenador Forsa-Tarefa ba Prevensaun no Mitigasaun Surtu Covid-19 Dr. Rui Maria de Araújo informa, covid-19 iha Timor-Leste (TL) Sentru Integradu Jestau Krize (SIJK) rejistu tan kazu foun na’in-38, rekupera na’in-33 no pasiente baixa ativa na’in-536.
“Dadus Jerál ba Timor-Leste tomak kazu detetatu foun iha loron 11 Abril 2021 hamutuk 38 (27 iha Dili, 11 iha Munisipiu sira seluk). Kazu rekuperadu iha loron 11 Abril 2021 33 no Total kazu ativu ohin dia 11 de Abril 2021: 536. Husi total kazu detetadu foun ohin mane 15, feto 23 no husi total kazu detetadu foun ohin 100% asintomátiku”, Portavoz Kordenador Forsa-Tarefa ba Prevensaun no Mitigasaun Surtu Covid-19 Dr Rui Maria de Araújo Naunil Media asesu liuhusi nota imprensa husi SIJK, domingu (11/04).
Nia hatutan, husi horiseik mai ohin, hamutuk hotu Laboratóriu Nasionál Saúde halo 1120 testes PCR, ho detalles hanesan tuir mai:
- Vijilánsia sentinela:50.
- Rastreiu ba kontaktu (Contact tracing): 53.
- Rastreiu Aleatoriu (Random Screening): 216.
- Viajen sai husi serka sanitária Munisipiu Dili: 531.
- Viajen internasionál: 225.
- Follow up iha quarentena: 45.
“Total pedidu autorizasaun esepsionál atu sai husi serka sanitaria iha Munisipiu Dili, iha dia 10 de Abril, hamutuk hotu 313. Sekretariadu CIGC responde hotu kedas, maibé 18 pedidus la prienxe kritériu tuir Resolusaun Governu”, nia informa.
Nia relata, Evolui surtu COVID-19 iha munisípiu Díli husi loron 10 de Abril deteta kazu foun 27. hamutuk hotu 823. Ho baze ba informasaun ne’ebé disponível, ekipa konjunta saúde halo fali revizaun ba foku propagasaun/cluster hamutuk hotu iha cluster 23.
Iha munisipiu Baukau Ohin deteta kazu foun 1. Kazu ida ne’e halo viajen husi Dili. Hamutuk hotu iha Baukau iha 36 kazus detetadus. Total iha cluster 6 iha Baucau.
Iha munisipiu Bobonaru Ohin deteta tan kazu foun 1. Kazu ida ne’e halo viajen husi Dili. Iha Munisipiu Ainaru ohin iha Munsipiu Ainaru deteta tan kazu pozitivu 2. Kazu pozitivu hirak ne’e halo viajen husi Dili no Iha Munisípiu Ermera Ohin iha Munisipiu Ermera deteta tan kazu pozitivu 7. Kazu hirak ne’e, halo viajen husi Dili.
Ikus eis Primeiru Primeiru Dr. Rui apela ba populasaun Timor-Leste tomak nafatin uza meius hotu ne’ebé iha atu hado’ok-an husi kontájiu moras Covid-19, liu-liu nafatin uza mascara, no faze liman beibeik ho bé no sabaun ka dezintetante ruma. vit
