Dezastre Naturais; JICA apoiu Umanitaria Manta 5000 Ba Governu TL
Naunil Media (Díli), Relasiona ho dezastre naturais ne’ebé foin lalais akontese iha Timor-Leste. Japaun Internasionál Kooperasaun no Ajensia, (JICA sigla ingles) iha timor leste apoiu Manta rihun lima (5000) ba estadu timor leste hodi apoiu ba vitima dezastre naturais.
Hafoin to’o iha Aeroportu Internasional Prezidenti Nicolau Lobato, Comoro, asistensia ofisial hosi xefe reprezentativu JICA iha timor leste, Sr. Goto Ko, akompaña hosi Sr. Hirashima Shusaku, Enkaregadu hosi Embaixada Japaun iha Timor-Leste, entrega ba reprezentante governu timor leste, Ministra Negosiu Estranjeirus no Kooperasaun (MNEC) Adaljiza Albertina Xavier Reis Magno, inklui Secretariu Estadú Protesaun Civil, Jogauim Gusmão.
Hafoin entrega hotu, liu hosi komunikadu impresa reprezentante JICA iha timor leste Goto Ko, deklara ajudus ne’e sira nia parte apoiu hanesan asaun solidariedade populasaun afetadu husi dezastre naturais ne’ebe foin lalais akontese.
“Governu no povo Japaun liuhosi JICA iha Timor-Leste hatudu sira nia solidariedade ba povu timor leste, liu-liu iha Dili, ne’ebé sofre inundasaun kauza hosi udan bo’ot ne’ebé akontese iha loron 4 abril 2021, hodi rezulta ema kuaze 42 lakon vida no ema barak lakon sira nia hela fatin no estragus barak,” dehan xéfi representante JICA iha timor leste, Goto Ko, ba jornalista Sira iha VIP Aeroportu internasional Presidente Nicolau Lobatu Comoro Domingu (11/04).
Iha oportunidade ne’e, hodi povu no governu Japones nia naran, JICA timor-Leste hato’o sira nia sentidu kondolénsia no solidariedade ba vítima sira ne’ebé lakon vida no lakon sira nia hela fatin kauza hosi kalamidade ne’e.
“Firme no kompremetidu atu fó apoiu no asistensia iha prosesu
rekoperasaun hosi kalamidade ne’e, liu-liu rekoperasaun ba infraestrutura baziku iha timor leste ho konseitu Hari Fila-fali ho di’ak,” tenik Goto Ko.
Tuir dadus provizoriu husi Protesaun sivil kona-ba dezastre naturais ne’ebé akontese iha sabadu no dumingu loron 3 to loron 4 fulan abril, resulta ema nian-42 mak lakon vida inklui uma rihun 10 mak hetan estragus.Ipe/Lps
