Jornalista Almerio Apoia Nesesidade Bazíka Ba Uma-Kain 30 iha Masin-Lidun
Naunil Media (Díli), Jornalista husi Radiu Televizaun Timor-Leste, Empreza Públiku (rttl.EP) Almerio Afonso, ho inisitiva rasik apoiu nezesidade bazika ba komuniade afeitadu ba inundasaun nain tolu nulu (30) iha bairu 04 Masin-Lidun Tasi Tolu, suku Comoro postu administrativu Dom Aleixo, Munisípiu Díli.
Hafoin fo apoiu ba vitima inundasaun sira jornalista ne’e deklara apoiu ne’ebé mak nia ho nia familia oferse hanesan asaun solidariedade ida hodi lolo liman ba maluk hirak ne’ebé mak kona susar.
“situasaun ida agora hafanun ema hotu, atu hakbiit espíritu umanismu liu husi ajuda tantu material no espiritual atu ema ita hotu bele ultrapassa situasaun krusial ida ne’e,” hateten jornalista aprezentadór rttl.ep Almerio Afonso ba jornalista Naunil Media iha tasi tolu, domingu (11/04).
Nia deklara kona-ba ajudus ne’e tuir dadus atu ajuda ba komunidade uma kain sianulu (90) maibé ikus mai nia ajuda de’it nain tolu nulu bazeia ba nia kbiit.
“Tuir dadus ne’ebé simu husi koordenador bairru 04 masin-Lidun, uma kain sianulu mak presiza duni apoia, maibé infelizmente fahe de’it ba uma-kain tolu nulu”, nia haktuir.
Iha fatin hanesan, koordenador Bairru 04 Januario da Costa, agradese ba jornalista Almero Afonso, ne’ebé apoia ona nesesidade bazika komunidade sira.
“Ho apoiu ne’ebé hetan husi, maluk jornalista ne’e bele hatan netik ba komunidade uma kain balun, hodi han ba loron balun, nune’e hein nafatin asaun hanesan husi sidadaun hotu ne’ebé iha kbiit natoon atu ajuda, inklui entidades públiku no privadu,” deklara xefi Bairo 04.
Nesesidades ne’ebé jornalista Almerio apoia ba komunidade bairu Masin-Lidun mak hanesan, foos, supermie, masin, biskuit, susu-been inklui sasan bázika seluk tan.
Tuir observasaun jeral situasaun atual liu liu volume be’e iha Lagoa tasi tolu menus oituan ona, hafoin empreza balun ne’ebé ajuda lori makina supa sai bee, ne’ebé organiza husi lider karismatiku, Kay rala Xanana Gusmão. Maibé to agora movimentu transporte no lao ain seidauk.Tanba seidauk seguru. Lop
