MS La Autoriza Lori Mate Isin Fila, Xanana Orienta Familia Ke ona Rai Kuak
Naunil Media (Dili), Maske dadaun ne’e husi Parte Ministra Saúde Nian la autoriza Atu lori Mate isin Armindo Borges sai husi sala isolamentu ba uma, maibe Lider Karismatiku Kay Rala Xanana Gusamão orienta ona familia matebian ba kee rai kuak.
Lider Nasional Kay Rala Xanana Gusmão deklara lia ne’e ba Mate bian nia oanfeto hodi telefone ba familia sira iha uma.
“Hatete ba sira iha uma ba ké ona rai kuak,” hateten lider resistensia ne’e iha portaun sala isolamentu Vera Cruz Kaikoli segunda (12/04/2021).
Nia deklara se’e bainhira ministra saude ho nia ekipa la kohi atu lori mate isin ne’e sai nia prontu, hein to mate isin ne’e dodok.
“Hatete ba ministra odete dehan, karik mate isin la lori fila ba uma ha’u prontu atu hein iha ne’e atu udan mos ha’u hein,” hatete lider ne’e hafoin nia haruka eskoltu telefone ba ministra Saude odete Maria Freitas Belo.
Hafoin telefone, dala tolu eskoltu ne’e deklara ba Lider Nasional hodi dehan ministra saude hatan “Diak, Diak”
Hafoin ne’e maizoumenus tuku 4:44 otl Brigadeiro Jeneral João Miranda “Aluk” tuun direita hodi husu autorizasaun lori sai mate isin ne’e, maibe lider Xanana Gusmão La konkorda. Hodi dehan ” Mate isin atu lori sai imi tiru mate uluk ha’u” dehan funu nain ne’e.
Tuir observasaun iha fatin sala isolamentu Vera Cruz husi dadersan tuku 9 to agora tuku 5:49 Lider Xanana Gusmão nafatin hein iha portaun boot hodi hein dezisaun ikus.
Nune iha protestu ne’e hetan reasaun makas husi familia mate bian, maibe nafati hetan seguransa hosi Polisia Nasional Timor Leste (PNTL) ho Batallaun Ordem Públiku (BOP).Dms
