Lere Anan Timur Hasoru Xanana Gusmão Ho Mata Ween

Naunil Media (Díli), Xefi Estadu Maiór Forsa Armada Tenente Jeneral, Lere Anan Timur hamonu mata ween bainhira hasoru malu ho lider Karismátiku kay Rala Xanana Gusmão iha sala izolamentu Vera Cruz, tersa (13/04/2021).

Funu nain Timor Lere Anan Timor koalia mata ween husu lider resitensia Xanana Gusamão, entrega mate isin ba governu hodi halot tuir protokolu Saúde nian.

“Problema mak Ida ne’e, Maun dehan ba hakoi iha fatin ne’ebé familia prepara, governu dehan ba hakoi iha fatin ne’ebé governu prepara, ida ne’e ita la rejolve problema”, dehan Maior Jeneral Lere Anan Timur ba Xanana iha Sala Izolamentu ospital Vera Cruz nia oin.

Iha biban ne’e Lere Anan Timur mos husu ba lider nasional Xanana Gusmão atu ba deskansa husik Sira mak buka solusaun ba problema ne’e, tanba desde uluk kedan sira sempre depende Xanana.
“Maun servisu ne’e ita-nian, uluk funu ami salva maun nia vida to’o mai agora, tanba saida maun hakarak dehan militar atu tiru mate maun, ne’e ha’u lakoi”, tenik Lere.

Hatan ba konvensaun Lere Anan Timur nian ne’e Lider Nasional Xanana Gusmão la konkorda hodi deklara nia nafatin hein to mate isin ne’e dodok.
“Ba servisu ba, ami la bele interompe ita boot sira-nia servisu, ha’u respeita teb-tebes, ha’u hein to’o mate isin dodok pois mak ha’u hili halo pedasuk, pedasuk ba hakoi iha ne’eba”, dehan Lider Krismatika Xanana Gusmão.

Xanana Deklara asaun ne’ebé sira halo la impede governu, nune’e atu hatete de’it ba governu, katak povu la fiar ona Covid-19.
“Ne’ebé obrigado barak mai vizita ami iha ne’e ha’u hatene katak iha ne’eba serbisu barbarak maibé ita boot husik hela iha ne’eba, ne’ebé bele fila ona,” hatete Xanana Gusmão.

Hafoin hasoru malu hotu entre lider Resistensia rua ne’e, Molok Lere Anan Atu fila nia deklara ba públiku liuliu joventude sira ne’ebé mak konsentra iha fatin sala izolamentu atu fila ba uma.

Kona-ba problema ne’e akontese desde horseik segunda, familia mate-bian husi Armindo Borges, inklui lider karismstika kay Rala Xanana lakohi atu governu lori mate isin ba hakoi iha mortuariu Metinaru, tanba sira konsidera nia laos mate tanba Covid-19.

Maske nune desde horseik segunda tuku 9 dader san to agora tersa, mate-bian refer sei iha hela sala isolamentu ospital vera crus. Ipe/pau