Eiz Prezidenti TL, Xanana La-Autoriza UPM Halo seguransa Iha Rai-Maran
Naunil Media (Dili), Líder Karismatiku Kay Rala Xanana Gusmão haruka Fila Unidade Polísia Maritima (UPM) Ne’ebé mak koko mai halo intervensaun ba Komunidade hirak ne’ebé mak halo asaun solidariedade ba famlia matebian Armindo Borges iha kaikoli.
Lider Nasional halo intervensaun ne’e hafoin iha tersa loron 13 fulan Abril 2021, derepenti hetan intervensaun husi Unidade Polisia Maritima ba komunidade sira.
“Ami la presiza Polisia Maritima imi fila ona ba. Imi Orgullu serbi tasi imi loron loron tuur haree tasi entaun ba ona, imi nia serbisu atu hare ikan iha tasi,” lider ne’e halo intervensaun ho hakilar, hodi haruka UPM sira fila.
Hafoin lider ne’e haruka, Membru UPM sira fila membru hirak ne’e nafatin hamrik iha fatin refere hodi halo seguransa.Hafoin ne’e Líder Nasionál Ne’e mós siak Estudante no familia matebian ne’ebé mak hamri’ik iha estrada ninin.
“Ha’u mai atu buka husu ba estadu no guvernu hodi proteje imi mas imi komesa ona ulun fatuk toos ha’u foti ha’u nia liman” nia deklara.
Nia hatutan ” Horseik ita Konkorda kapás tebetebes ita respeita ita nia maun tiun polísia sira iha ne’e sira respeita ita kapás tebetebes ne’e duni Lalika hakilar Lalika viva,” funu nain ne’e deklara.
Xanana Gusmão mós husu ba atu hakmatek no kuidadu aan tanba Covid19 ne’e iha la’ós laiha.
“Imi barak mak laiha maskara ha’u kaer ba sulan iha uma Covid-19 nian para o senti Covid-19 ne’e iha ka lae ha’u iha hela liur uma Covid-19 iha ne’e, ” katak nia.
Kona-ba asaun ne’e desde horiseik to agora familia iklui Lidernsa Nasional Xanana Gusmão husu ba-governu atu lori fila mate isin ne’ebé mate dekonfia Covid-19. Maibé to’o agora seidauk iha solusaun.
Matebian Armindo Borges Husi Munisipiu Ainaro dadaun ne’e hela iha komoro. Tuir kronolojia husi familia matebian refere moras struk fulan ida ona, nune iha loron sabadu matebian refere raan sai husi tilun, nune familia disidi lori ba ospital Nasional Guido Valadares hodi halo tratamentu.
Maibé hafoin to iha ospital dotor sira halo uluk teste Swap ba Matebian ne’e.
Familia matebian ne’e esplika hafoin dotor sira halo teste matebian nia iis komesa lakon neneik (besik mate). nune sira lori ba iha sala emerjensia, liu de’it minutu 15 resultadu hatu katak matebian Pozitivu Covid-19.
Ho nune ikus mai pesoal saude sira diside lori pasiente ne’e ho kondisaun mate ba sala isolamentu Vera Cruz Caicoli.Jos/ ipe
