Mate-Isin Armindo Seidauk iha Solusaun, Xanana Nafatin iha Izolamentu Vera Kruz
Naunil Media (Díli), disputa mate-isin Armindo Borges seidauk hetan solusaun husi governu, nune’e husi família matebian hamutuk ho Líder Karismátiku Kay Rala Xanana Gusmão, ohin tersa (13/04) ba loron daruak ona sei nafain hein mate-isin iha izolamentu Vera Kruz.
Husi disputa mate-isin Armindo, Líder Karismatiku Xanana hein oras 24, hahú horseik dader tuku 9 no kalan kalan toba deit iha izolamentu Vera Krus ne’e nae bite iha dalan klaran. Tanba nia hakarak tenke lori mate-isin ba nian família sira, maibé to’o agora governu mós seidauk hasai rezultadu hodi matebian Armindo Borges haloot.
Matebian Armindo Borges ne’e, hakotu iis iha HNGV, no ekipa saúde halo teste SWAP no tuir informasaun rezultadu teste pozetivu COVID-19, maibé família husi matebian Armindo Borges rezeita rezultadu testa, família hatete matebian hakotu iis tanba moras struk ne’ebé durante ne’e iha uma de’it.
Enkuantu Líder Karismatiku Kayrala Xanana Gusmao hamutuk ho família matebian hein mate isin Armindo Borges desde horseik dadersan hakarak lori matebian ba hakoi tuir kultura Timor nian. Iha horseik Ministra Saúde, diretór SIJK Bigadero Aluc no ohin tersa (13/04) dadersan Tanente Jeneral Falintil Forsa Defesa Timor-Leste (F-FDTL) Lere Anan Timur ba hasoru Líder Karismatiku Kayrala Xanana Gusmao, maibé nafatin la iha solusaun ba mati-isin Armindo nian.
Entretantu to’o agora atu ba tuka 5 lokarik liu minutu 25 oras Timor-Leste, Xanana no família husi Armindo Borges sei nafatin iha sala izolamentu Vera Kruz hodi hein rezultadu husi governu. Jun