Pe. Martinho Husu Governu Fo Ultima Palavra Ba Matebian Iha Isolamentu

Naunil Media (Dili), Padre Martinho Gusmão SDB husu Governu atual atu hasai liafuan ikus ba matebian ne’ebé mak dadaun ne’e iha hela sala isolamentu.

Lia hirak ne’e hato’o husi Pe. Martinho wainhira remata dadalia ho Eis Prezidente Repúblika Xanana Gusmão ba jornalista iha Sala Izolamentu Vera Cruz tersa (13/04/2021).

“Entaun Prezidente Repúblika liu liu Prezidente Repúblika ho Primeiru Ministru no Prezidente Parlamentu Nasionál imi nain tolu neste momentu ultima palavra iha imi nain tolu nia ibun se hanoin katak imi nain tolu labele hasai ultima da palavra entaun prontu ita hatete ba povu ami nia tempu too ona iha ne’e ami ita buka dalan foun,”dehan Pe Martinho.

Pe Martinho mós dehan pandemia Covid-19 ne’e mundu tomak senti no husi Organizasaun Mundial De Saude (OMS) hasai ona estandar ho nia prosedur normál.

“ita hatene dehan Covid-19 ne’e buat pandemia mundu tomak sente no mundu tomak koko ida ne’e ha’u hanoin WHO hasai ona ninia estandar oinsá mak prosesu iha se ha’u intende didiak ida dezastre ne’ebé masimu liu mak ita lori hanesan tau iha Metinaro mais ida be fulan ida ida fulan tolu ida ita lori prosedur normál “tenik nia.

Amo Martinho mós hateten Respeita tradisaun respeita lisan sobre tudo respeita dignidade da pesoal umana enkuantu prinsipiu ida ne’e tau hanoin la bá fatin seluk uluk nain tenke prinsipiu hamutuk.

Nia dehan momentu ida ne’e teste ida ba hotu hotu Líder Nasionál hanesan Xanana korajen no loke brani.

“Segundu ba ha’u katak iha momentu ida ne’e teste ba ita hotu, maun Xanana reprezenta ema ida ne’ebé iha korajen atu ita loke buat hotu hotu ita brani ka lae hanesan” nia dehan.

Nia mós hatutan buat ida importante mak hatene rona malu oinsá iha sensibilidade no la’ós iha kakutak de’it.

“Terseiru ha’u hanoin buat ida importante e ke ita hatene rona ha’u ohin sengaja purke serbisu iha fatin seluk hotu ha’u mai atu tur rona i ha’u partilla ho maun boot Xanana nia konta nia fó ninia vizaun i sobre tudo nia fó ninia sensibilidade ida ne’e importante la’ós ita nia kakutak de’it mais ita sensibilidade”nia hateten.

Nia hatutan iha momentu ida Iha momentu ida ne’e presiza Senseridade, presiza honestidade, loke verdade ida ne’e tanba hanoin pontu tolu ne’e importante tuir estandar internasionál.*Jos