PPN Aniceto : “Xanana Lahatudu Nia-An Hanesan Lider”, Xanana ” Ha’u Laos Lider”
Naunil Media (Dili), Relasiona ho prezensa lider karismatiku Kay Rala Xanana Gusmão ne’ebé iha loron segunda (12/03/2021), hamutuk ho familia matebian izizi ba governu atu lori mate isin Armindo Borges sai husi sala isolamentu ba hakoi tuir tradisaun.
Lider nasional kompostu hosi familia matebian izizi lori fila matebian refere fila ba hakoi tuir tradisaun, tanba sira konsidera matebian refere la’os mate tanba covid-19.
Nune horseik maizoumenus tuku 9:44 otl lider ne’e ho familia inklui komunidade balun nakonu iha sala isolamentu vera cruz kaikoli, hodi hein foti mate isin ne’ebé mate iha sala isolamentu.
Maske sira hein husi loron segunda 12 /04/2021, dadersan to agora tersa 13/04/2021, nune horikalan lider ne’e toba iha sala isolamentu maibé to agora seidauk iha desizaun fiksu.
Relasaun ho asaun husi lider karismatiku kay Rala Xanana ho apoiantes sira ba governu atual, Prezidenti parlamentu Nasional Aniceto Guterres, Konsidera Xanana La hatudu nia aan hanesan lider.
“Nu’udar prezidente parlamentu, Iakonkorda, ho komportamentu ida hanesan ne’e la’os atetude ne’ebé bele hetan apresiasaun husi ema hotu, sé forma de’it atu dezauturiza governu, no dezakredita ema hotu inklui tekniku espesialista sira, ne‘e Ia’os atetude lider nian,”, kestiona Prezidenti PN Aniceito Guterres, segunda (12/04).
Nia deklara tui loloos lider nasional kay Rala Xanana Gusmão bele halo asaun hasoru governu, maibé laos ho modelu akumula ema barak.
Hatan ba deklarasaun ne’e, iha loron hanesan lider Karismatiku Kay Rala Xanana Gusmão konsentra ho familia matebian sira iha portaun sala isolamentu Vera Cruz. Teki teki liu husi media online tempo timor fo sai notisia ho nia titulu katak Aniceito konsidera Xanana hatudu nia atetude ne’ebé laos hanesan lider.
Hare ba notisia ne’e lider nasional ne’e simu hodi dehan katak nia laos lider.
“Ha’u ne’e ema baibain laos lider, sé lider karik ha’u la tuun ba raut foer” deklara Lider Xanana Gusmão.DMS.
